महायुती तुटताच शिंदेंच्या शिवसेनेत तुफान जल्लोष, कार्यकर्त्यांनी थेट….,संभाजीनगरात विजयाचं गणित काय?

छत्रपती संभाजीनगर येथे आगामी निवडणुकीच्या पार्श्वभूमीवर राजकीय घडामोडींना वेग आला आहे. भारतीय जनता पार्टी (भाजप) च्या महिला पदाधिकारी दिव्या मराठे यांना प्रभाग क्रमांक २० मधून उमेदवारी नाकारल्याने त्यांनी तीव्र नाराजी व्यक्त केली आहे. पक्षाने निष्ठावंत कार्यकर्त्यांना डावलून एका नव्या आणि कमी सक्रिय कार्यकर्त्याच्या पत्नीला तिकीट दिल्याचा आरोप मराठे यांनी केला आहे. या अन्यायाविरोधात त्या आमरण उपोषण करण्याचा पवित्रा घेतला आहे. त्यांची मागणी आहे की, एकतर त्यांना तिकीट मिळावे किंवा त्यांना न्याय मिळावा. सर्वेमध्ये आपले नाव असतानाही तिकीट नाकारल्याने पक्षाच्या या निर्णयावर त्यांनी प्रश्नचिन्ह उपस्थित केले आहे.

याचवेळी छत्रपती संभाजीनगरमध्ये युती तुटल्याने शिवसेनेच्या महिला आघाडीच्या कार्यकर्त्यांनी जल्लोष केला. “साहेब यांचा विजय असो. भुमरे साहेबांचा विजय असो. भुले ताई तुम आगे बढो, हम तुम्हारे साथ है,” अशा घोषणा देत शिवसैनिकांनी आपला आनंद व्यक्त केला. एका बाजूला भाजपमधील अंतर्गत नाराजी नाट्य सुरू असताना, दुसऱ्या बाजूला युतीभंगामुळे शिवसेनेमध्ये उत्साहाचे वातावरण दिसून आले.