Pune Corona Update : पुण्यात कोरोनाबाधितांचा आकडा दोन हजाराच्या उंबरठ्यावर

पुणे विभागात सध्या कोरोनाचे 1 हजार 905 रुग्ण आहेत. तर, कोरोनामुळे आतापर्यंत 99 जणांचा मृत्यू झाला आहे

Pune Corona Update : पुण्यात कोरोनाबाधितांचा आकडा दोन हजाराच्या उंबरठ्यावर

पुणे :  राज्यात कोरोनाचा विळखा दिवसेंदिवस आणखी (Pune Corona Patients Update) घट्ट होत चालला आहे. दररोज कोरोनाबाधितांच्या संख्येत मोठ्या प्रमाणात वाढ होत आहे. राज्यातील कोरोना हॉटस्पॉट ठरलेल्या पुण्यातही कोरोना रुग्णांची संख्या दिवसेंदिवस वाढत आहे. पुणे विभागात सध्या कोरोनाचे 1 हजार 905 रुग्ण आहेत. तर, कोरोनामुळे आतापर्यंत 99 जणांचा मृत्यू झाला आहे (Pune Corona Patients Update), अशी माहिती विभागीय आयुक्त दीपक म्हैसेकर (Deepak Mhaisekar) यांनी दिली.

दिलासादायक बाब म्हणजे, कोरोनाचे रुग्ण वाढत असले तरी कोरोनातून बरे होणाऱ्या रुग्णांची संख्याही वाढत आहे. आतापर्यंत पुणे विभागातील 305 कोरोना बाधित रुग्ण बरे होऊन घरी गेले आहेत. विभागातील 18 हजार 59 नमून्यांची तपासणीही पूर्ण झाली आहे. यापैकी 16 हजार 212 नमुन्यांचा अहवाल निगेटिव्ह आला, तर 1 हजार 905 अहवाल पॉझिटिव्ह आले आहेत.

पुणे विभागात आतापर्यंत 99 कोरोनाबाधित रुग्णांचा मृत्यू झाला आहे. तर 77 रुग्ण गंभीर आहेत. इतर उर्वरीत रुग्ण निरीक्षणाखाली आहेत, त्यांच्यावर उपचार सुरु आहेत (Pune Corona Patients Update).

पुणे विभागात 1 हजार 905 कोरोनाबाधित

? पुण्यात 1 हजार 738 जणांना कोरोनाची लागण झाली आहे. तर यापैकी 90 रुग्णांचा मृत्यू झाला आहे.

? साताऱ्यात 43 कोरोनाबाधित रुग्ण असून 2 रुग्णांचा मृत्यू झाला आहे.

? सोलापूर जिल्हयात 81 कोरोनाबाधित रुग्ण असून 6 रुग्णांचा मृत्यू झाला.

? सांगली जिल्हयात 30 कोरोनाबाधित रुग्ण असून एका रुग्णाचा मृत्यू झाला आहे.

? कोल्हापूर जिल्ह्यात 13 कोरोनाबाधित रुग्ण आहेत.

महाराष्ट्रातील कोरोनाबाधितांचा आकडा 10 हजारच्या पार

राज्यात कोरोनाबाधितांचा आकडा 10 हजारच्या पार पोहोचला आहे. कोरोनाचे हॉटस्पॉट ठरलेल्या मुंबई, पुण्यासह, नाशिक, औरंगाबाद, नागपूर या शहरात कोरोनाचे रुग्ण वाढताना दिसत आहे. त्यामुळे महाराष्ट्रात कोरोनाचा अक्षरशः हाहा:कार माजला आहे. आज दिवसभरात 126 रुग्ण आढळले असून महाराष्ट्रातील कोरोनाबाधितांचा आकडा 10 हजार 043 इतका झाला आहे. ‬

Pune Corona Patients Update

संबंधित बातम्या :

सोलापुरात महिलेसह 2 चिमुकल्यांची कोरोनावर मात, पालकमंत्र्यांच्या उपस्थितीत घरी रवानगी

Maharashtra Corona Update | महाराष्ट्रातील कोरोनाबाधितांचा आकडा 10 हजारच्या पार, कुठे किती नवे रुग्ण?

नांदेडहून पंजाबला परतलेल्या आणखी 25 भाविकांना कोरोना, रुग्णसंख्या वाढण्याची भीती

पुण्यात शिकणाऱ्या विद्यार्थ्यांची घरी जाण्याची व्यवस्था, मंत्री विजय वडेट्टीवार यांचं आश्वासन

Published On - 7:22 pm, Thu, 30 April 20

Click on your DTH Provider to Add TV9 MARATHI