पिंपरीत शौचालयाच्या टाकीत सापडला अज्ञात मृतदेहाचा सांगाडा, पोलीस तपास सुरू

पिंपरीमध्ये सार्वजनिक शौचालयाच्या पाणीच्या टाकीत अज्ञात मृतदेहाचा सांगाडा (Skeleton) सापडला आहे.

पिंपरीत शौचालयाच्या टाकीत सापडला अज्ञात मृतदेहाचा सांगाडा, पोलीस तपास सुरू

पिंपरी चिंचवड : पिंपरी चिंचवडमध्ये (Pimpri Chinchwad) गुन्ह्यांचे (Crime)अनेक गंभीर प्रकार समोर आले आहेत. आताही असाच एक धक्कादायक प्रकार समोर आला आहे. पिंपरीमध्ये सार्वजनिक शौचालयाच्या पाणीच्या टाकीत अज्ञात मृतदेहाचा सांगाडा (Skeleton) सापडला आहे. या घटनेमुळे संपूर्ण परिसरात खळबळ उडाली आहे. टाकीमध्ये अशा प्रकारे मृतदेह आढळल्याने नागरिकांमध्ये भीतीचं वातावरण आहे. या घटनेची माहिती पोलिसांना (Police) देण्यात आली असून पुढील तपास सुरू असल्याचं सांगण्यात आलं आहे. (Skeleton of an unidentified body found in a toilet tank in Pimpri)

पिंपरी चिंचवडमधील बालाजीनगर परिसरात काल रात्री हा प्रकार उघडकीस आला. परिसरातील काही स्थानिक नागरिक पाण्याच्या टाकीत असलेले मासे काढण्यासाठी पाण्यात उतरले. तेव्हा एका पोत्यात हा सांगाडा आढळला. स्थानिकांनी तात्काळ पोलिसांना पाचारण केलं आणि घटनेची माहिती दिली.

हा मृतदेह कोणाचा आहे? आणि पाण्याच्या टाकीत कोणी टाकला ? याबद्दल अद्याप कोणतीही माहिती हाती लागलेली नाही. दरम्यान, मिळालेल्या माहितीनुसार, पोत्यामधील मृतदेह हा पूर्णपणे सडला आहे. बऱ्याच दिवसांआधी मृत्यू झाला असावा. कारण, शरीराचा आता फक्त सांगाडाच शिल्लक असल्याचं स्थानिकांनी म्हटलं आहे.

या प्रकरणी भोसरी एमआयडीसी पोलीस तक्रार दाखल करण्यात आली असून पुढील तपास सुरू आहे. दरम्यान, पोलिसांनी टाकीतून सांगाडा बाहेर काढला असून तो शवविच्छेदनासाठी नजिकच्या स्थानिक रुग्णालयात दाखल करण्यात आला आहे. शवविच्छेदन अहवाल आल्यानंतरच अनेक गोष्टींचा उलगडा होईल अशी माहिती पोलिसांनी दिली आहे.

इतर बातम्या –

टोळी युद्धातून नागपूरमध्ये दोघांची हत्या?; मृतदेह रस्त्यावर फेकल्याने खळबळ

कल्याणमधील थरार! बंदुकीचा धाक दाखवत ज्वेलर्स दुकानावर दरोडा, 30 तोळे सोन्यासह दीड लाखांची रोकड लंपास

(Skeleton of an unidentified body found in a toilet tank in Pimpri)

Click on your DTH Provider to Add TV9 MARATHI