Liquid की Gel ? ‘हे’ वाचा आणि परफेक्ट आयलायनर निवडा
मेकअप किटमधला छोटासा आयलायनर तुमच्या डोळ्यांना आणि चेहऱ्याला कसा वेगळा लुक देतो, हे तुम्हालाही माहिती असेल! पण बाजारात गेल्यावर लिक्विड घ्यावं की जेल, हा प्रश्न पडतोच, आपल्या डोळ्यांना किंवा आपल्याला हव्या असलेल्या लुकसाठी नक्की कोणतं बेस्ट ठरेल?तर चला या आर्टिकलद्वारे जाणून घेऊया परफेक्ट डोळ्यांसाठी योग्य आयलायनर कसा निवडायचा!
मेकअपमधल्या सगळ्यात लक्ष वेधून घेणाऱ्या गोष्टींपैकी एक म्हणजे – डोळे! आणि डोळ्यांना उठावदार लुक देण्यात आयलायनरचं काम फारच महत्त्वाचं. पण बाजारात किंवा ऑनलाइन शॉपिंग करताना एकच प्रश्न पडतो तो म्हणजे लिक्विड घ्यावं की जेल?
दोन्ही आयलायनर चांगले असले तरी, त्यांच्यात सूक्ष्म आणि स्टायलिश फरक आहेत. काहींना शार्प आणि बोल्ड विंग हवी असते, तर काहींना सौम्य, सौंदर्य खुलवणारा स्मोकी लुक. तुमच्या स्टाईलप्रमाणे कोणता आयलायनर बेस्ट ठरेल, हे जाणून घेणं आजचं सौंदर्यशास्त्र आहे!
लिक्विड आयलायनर : लिक्विड आयलायनर त्याच्या धारदार आणि अचूक रेषांसाठी प्रसिद्ध आहे. याचा ब्रश बहुधा बारीक टिप असतो, ज्यामुळे Cat-Eye किंवा ग्राफिकल लुक अगदी सहज साधता येतो. हे आयलायनर लावल्यावर लगेच सुकतं, त्यामुळे एकदा नीट बसलं की बराच वेळ टिकतं. मात्र, चुक झालीच तर सुधारण्यास वेळ नसतो! त्यामुळे थोडा सराव आणि स्थिर हात हवाच.
जेल आयलायनर : जेल आयलायनर थोडा क्रीमी टेक्स्चरचा असतो आणि एका छोट्या डबीत मिळतो. याला वेगळा ब्रश लागतो, त्यामुळे रेखा आखताना अधिक नियंत्रण मिळतं. मुख्य फायदा म्हणजे – हे पटकन कोरडं होत नाही, त्यामुळे लावतानाचा गोंधळ टळतो. स्मोकी आय लुक किंवा नैसर्गिक फिनिश हवा असेल, तर हा आयलायनर अगदी योग्य पर्याय आहे.
Beginners साठी कोणता सोपा?
जर तुम्ही आयलायनर वापरण्यात नवखे असाल, तर जेल आयलायनर हा सौम्य सुरुवातीसाठी उत्तम. कारण तो लावताना चुकल्यास दुरुस्त करता येतं. पण जर तुमचा हात बसलेला असेल आणि शार्प विंग तुमची सिग्नेचर स्टाईल असेल, तर लिक्विड आयलायनरचं टोकदार ब्रश वापरा.
तुमच्यासाठी बेस्ट काय?
लुकनुसार निवड: जर तुम्हाला मऊ, स्मोकी किंवा सहज पसरवता येणारा लुक हवा असेल, तर जेल आयलायनर निवडा. जर तुम्हाला अगदी बारीक, शार्प, बोल्ड आणि चमकदार रेषा हवी असेल, तर लिक्विड आयलायनर तुमच्यासाठी आहे.
सोयीनुसार निवड: जर तुम्ही आयलायनर लावायला नवीन असाल आणि तुम्हाला थोडा वेळ हवा असेल, तर जेल आयलायनर वापरून बघा. जर तुमचा हात बसलेला असेल आणि तुम्हाला पटकन शार्प लुक हवा असेल, तर लिक्विड आयलायनर वापरा.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
