Beauty Tips : काळवंडलेले ओठ गुलाबी करण्यासाठी हे घरगुती उपाय करून पाहा!

ओठांची काळजी

मुंबई : प्रत्येकाला गुलाबी ओठ आवडतात. पण गुलाबी ओठ मिळवण्यासाठी ओठांची काळजी घेणे खूप महत्वाचे आहे. महिलांना मेकअपद्वारे काही काळ ओठांचा काळपटपणा लपवता येतो. पण हा कायमचा उपाय नाही. त्याच वेळी, मुले किंवा पुरुषांना ते लपवणे अधिक कठीण होते. जर तुम्हाला देखील काळ्या ओठांची समस्या दूर करायची असेल तर तुम्ही काही घरगुती उपाय केले पाहिजेत. ज्यामुळे काळ्या ओठांची समस्या दूर होऊन तुमचे ओठ गुलाबी होतील. (Do this home remedy for pink lips)

लिंबू – लिंबू त्वचेसाठी खूप फायदेशीर आहे. हे त्वचेवर नैसर्गिक एक्सफोलिएटर म्हणून काम करते. हे तुमच्या त्वचेवरील डाग दूर करण्यास मदत करते. काळ्या ओठांपासून मुक्त होण्यासाठी तुम्ही लिंबू वापरू शकता. यासाठी तुम्हाला झोपण्यापूर्वी ओठांवर लिंबू चोळावे लागेल आणि दुसऱ्या दिवशी सकाळी पाण्याने धुवावे लागेल.

मध आणि लिंबू – एक चमचा मध आणि लिंबाचा रस मिसळा. हे मिश्रण ओठांवर लावा आणि सुमारे एक तासानंतर धुवा. लिंबू ओठांचा काळसरपणा कमी करण्यास मदत करते. मध त्वचेला गुलाबी करते.

हळदीचे दूध – एक चमचा दुधात एक चिमूटभर हळद मिसळा. ही पेस्ट ओठांवर लावा आणि थोड्या वेळाने पाण्याने धुवा. हे मिश्रण नियमितपणे लावा.

कोरफड जेल – ओठांचा काळेपणा दूर करण्यासाठी कोरफड जेल लावा. कोरफड जेलमध्ये अनेक औषधी गुणधर्म आहेत जे त्वचेच्या समस्या दूर करण्यास मदत करतात.

गुलाब पाणी – गुलाब पाणी हायपर पिग्मेंटेशन कमी करण्यास मदत करते. कापसाच्या मदतीने ओठांवर गुलाब पाणी लावा आणि काही वेळानंतर स्वच्छ पाण्याने धुवा.

नारळाचे तेल – ओठांचा काळेपणा दूर करण्यासाठी नारळाचे तेल वापरा. हा उपाय नियमितपणे केल्याने ओठांचा रंग स्पष्ट होतो.

काकडी – ओठांचा काळसरपणा कमी करण्यासाठी काकडीचा रस वापरता येतो. चांगले परिणाम मिळविण्यासाठी, काकडीच्या रसात मिसळून कोरफड जेल लावा.

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..

(Do this home remedy for pink lips)