पाणी गरम करताना गीझर देतंय असे संकेत… धोका टाळण्यासाठी ‘या’ गोष्टी नक्की तपासा
हिवाळ्याचे दिवस आता सुरु झाले आहेत आणि वातावरणातील गारवा देखील वाढला आहे. अशात गीझरचा वापर देखील वाढला आहे... पण पाणी गरम करत असताना गीझर असं संकेत देत असेल तर, काही महत्त्वाच्या गोष्टी नक्की तपासा...
वातावरणात गारवा असल्यामुळे गीझरच्या मागणीत मोठी वाढ झाली आहे. थंडीमुळे प्रत्येक घरात गरम पाण्याची गरज वाढते. विशेषतः थंड प्रदेशात, गीझरशिवाय आंघोळ करणं, भांडी धुणं किंवा इतर दैनंदिन कामं करणं अत्यंत कठीण होतं. ज्याप्रमाणे मोबाईल फोन, रेफ्रिजरेटर किंवा टीव्हीचे आयुष्य असतं, त्याचप्रमाणे गीझरचंही आयुष्य असतं वर्षानुवर्षे वापरल्यानं गीझरचे अंतर्गत भाग खराब होऊ शकतात. यामुळे ते खराब होऊ शकते आणि धोकादायक देखील बनू शकतात.
पण, लोक अनेकदा या छोट्या चिन्हांकडे दुर्लक्ष करतात आणि त्यांची वारंवार दुरुस्ती करत नाही… पण तेव्हा मात्र नवीन गीझर घेण्याची वेळ आलेली असते… तज्ज्ञ म्हणतात की काही स्पष्ट चिन्हे आहेत ज्यामुळे तुम्हाला त्रास आणि धोका टाळण्यासाठी तुमचा गिझर बदलणं गरजेचं आहे.
जेव्हा गीझर विचित्र आवाज करतो: पहिले लक्षण म्हणजे गीझरमधून येणारे विचित्र आवाज. जर तुम्हाला गीझर चालू असताना मोठा आवाज, फटफटणे किंवा खडखडाट ऐकू येत असेल तर ते सूचित करतं की आत मीठ जमा झालं आहे. हे मीठ हीटिंग रॉडवर जमा होते, ज्यामुळे गीझरला पाणी गरम करण्यासाठी जास्त जोर लावावा लागतो.
यामुळे कधीकधी पाणी खराब गरम होऊ शकते आणि कधीकधी खूप गरम देखील होऊ शकते. यामुळे गीझरच्या आत दाब वाढू शकतो, जो धोकादायक ठरू शकतो. अत्यंत प्रकरणांमध्ये, टाकी फुटण्याचा धोका देखील असतो. याव्यतिरिक्त, जर गीझर वारंवार खराब होत असेल आणि वेळोवेळी मेकॅनिकला बोलावावे लागत असेल, तर ते गीझर जुनं झाल्याटं स्पष्ट लक्षण आहे. वारंवार दुरुस्त करण्याऐवजी, नवीन गीझर खरेदी करणं केव्हाही चांगलं.
पाण्याचे तापमान बदलणं: आणखी एक महत्त्वाचं लक्षण म्हणजे पाण्याच्या तापमानात सतत बदल होणे. जर आंघोळ करताना पाणी अचानक थंड ते खूप गरम झां तर ते थर्मोस्टॅट किंवा हीटिंग एलिमेंटमध्ये समस्या असल्याचं दर्शवतं. हे केवळ गैरसोयीचेच नाही तर धोकादायक देखील आहे, कारण खूप गरम पाण्यामुळे जळजळ होण्याचा धोका असतो. याव्यतिरिक्त, जर गीझरमधून पाणी टपकत असेल किंवा टाकी, व्हॉल्व्ह किंवा पाईप कनेक्शनजवळ एक लहान गळती देखील दिसत असेल तर त्याकडे दुर्लक्ष करू नका. गळती सूचित करते की अंतर्गत नुकसान सुरू झाले आहे. यामुळे भिंती ओल्या होऊ शकतात.
वीज बिलात अचानक वाढ: तिसरे आणि अनेकदा दुर्लक्षित केलं जाणारं लक्षण म्हणजे वीज बिलात अचानक वाढ. जुने गीझर तेवढंच पाणी गरम करण्यासाठी जास्त वीज वापरतात. जर तुम्ही तेवढाच वीज वापरत असाल पण तरीही मासिक बिल जास्त येत असेल, तर त्याचे कारण तुमचं जुनं गीझर असू शकते.
आता नवीन गीझरमध्ये चांगल्या दर्जाचे इन्सुलेशन आणि नवीन तंत्रज्ञान असते, ज्यामुळे कमी वीज वापरल्याने पाणी लवकर गरम होते. त्यामुळे, वीज बिल देखील कमी येतं. एकंदरीत, जर तुम्हाला तुमच्या गीझरमध्ये अशी एक किंवा अधिक चिन्हे दिसत असतील, तर तुम्ही उशीर नका आणि नवीन गीझर घ्या…
