पावसाळ्यात मक्याचे सेवन नक्की करा, आरोग्यास मिळतील ‘हे’ 5 मोठे फायदे
पावसाळ्यात मका खायला प्रत्येकाला आवडते. तर हा मका केवळ चविष्टच नाही तर आरोग्यासाठी देखील खूप फायदेशीर आहे. चला तर मग आजच्या या लेखात आपण मका खाल्ल्याने आरोग्याला कोणते फायदे होतात ते जाणून घेऊयात...
पावसाळा ऋतू सूरू झाल्यावर आपण या सर्वजण आपल्या आरोग्याची जास्त काळजी घेत असतो. तर या दिवसांमध्ये विशेषतः खाण्यापिण्याकडे जास्त लक्ष देण्याची गरज असते. कारण थोडीशी निष्काळजीपणा तुमचे आरोग्य बिघडू शकते. या ऋतूत अनेक आजारांचा धोका वाढतो. पण पावसाळा सुरू झाला की अनेकांना मका खायला खूप आवडतो.
जेव्हा जेव्हा पाऊस पडतो आणि तुम्हाला भाजलेले मका त्यावर लिंबू आणि मीठ मसाला लावून खाण्याची एक वेगळीच मजा येते. एकंदरीत या ऋतूत गरम भाजलेला मका खाण्याचा एक वेगळाच आनंद असतो. पावसाळ्यात आवडीने खाल्ला जाणारा मका आपल्या आरोग्यासाठी खूप फायदेशीर आहे. कारण यामध्ये व्हिटॅमिन-ए, बी, ई, खनिजे आणि अँटीऑक्सिडंट्स असते. याशिवाय, त्यात असलेले फायबर आपल्या पोटासाठी फायदेशीर आहे.
मक्याचे सेवन केल्याने भूक नियंत्रित करण्यास मदत होते. पावसाळ्यात मिळणारा मका हा एक सुपरफूड आहे. आजच्या या लेखात आम्ही तुम्हाला पावसाळ्यात मका खाण्याचे फायदे सांगणार आहोत. चला सविस्तर जाणून घेऊयात –
रोगप्रतिकारशक्ती वाढवा
पावसाळ्यात अनेक प्रकारच्या हंगामी आजारांचा धोका वाढतो. यासाठी प्रत्येकाची रोगप्रतिकारक शक्ती मजबूत असणे आवश्यक आहे. तर या दिवसांमध्ये मिळणाऱ्या
मक्याचे सेवन केल्यास शरीराची रोगप्रतिकारक शक्ती वाढवेलच, पण रोगांचा धोकाही कमी होतो. मक्यामध्ये असलेले व्हिटॅमिन सी आणि अँटीऑक्सिडंट्स रोगप्रतिकारक शक्ती मजबूत करतात.
बद्धकोष्ठतेपासून आराम मिळतो
या ऋतूत पोटाशी संबंधित अनेक समस्या निर्माण होत असतात. तर सर्वात मोठी समस्या म्हणजे बद्धकोष्ठता. जर तुम्हाला ही समस्या टाळायची असेल तर तुम्ही तुमच्या आहारात मक्याचा समावेश केला पाहिजे. खरं तर, त्यात असलेले फायबर बद्धकोष्ठता, गॅस, अॅसिडिटीची समस्या दूर करते.
वजन कमी करा
तुम्हाला जर वजन लवकर कमी करायचे असेल तर तुम्ही मक्याचे तुमच्या आहारात समावेश करा. खरं तर, त्यात असलेले फायबर पोट बराच काळ भरलेले ठेवते. यामुळे तुम्ही जास्त खाणे टाळता. तसेच याच्या सेवनाने कॅलरीज देखील जलद बर्न होतात, ज्यामुळे वजन कमी करणे सोपे होते.
कोलेस्टेरॉलची पातळी राखणे
मक्यामध्ये फायबरचे प्रमाण जास्त असते. त्यामुळे मक्याचे सेवन शरीरातील वाईट कोलेस्ट्रॉलची पातळी कमी करण्यास मदत करते. तसेच मक्यामध्ये असलेले जीवनसत्त्वे नवीन पेशी तयार करतात. याशिवाय मक्याच्या सेवनाने मधुमेहावरही नियंत्रण ठेवते.
त्वरित ऊर्जा देते
या ऋतूत बहुतेक लोकांना सुस्ती जाणवते. त्यामुळे तुम्ही मक्याचे सेवन करा. कारण मका हे एनर्जी बूस्टर म्हणून काम करते. त्यात असलेले नैसर्गिक साखर आणि कार्बोहायड्रेट्स तुम्हाला त्वरित ऊर्जा देतात.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
