Chandra Grahan 2026: पुढच्या वर्षी या सणाच्या मुहूर्तावर लागणार चंद्रग्रहण, 100 वर्षानंतर हा दुर्मिळ योग
नवीन वर्षात साल 2026 मध्ये चंद्रग्रहण होळीच्या दिवशी लागणार आहे. येत्या 3 मार्च रोजी हे ग्रहण लागणार आहे. भारतातून हे ग्रहण दिसणार आहे.
Chandra Grahan 2026: साल २०२६ अनेक बाबतीत वेगळे असणार आहे. नवीन वर्षात होळीच्या दिवशीच चंद्रग्रहण लागणार आहे. म्हणजे साल २०२६ ची होळी चंद्रग्रहणाच्या सावलीत साजरी केली जाणार आहे. होळीवर शंभर वर्षानंतर चंद्रग्रहण लागत आहे. साल २०२६ चे पहिले चंद्रग्रहण ३ मार्च रोजी लागणार आहे. या दिवशी संपूर्ण भारतात होळी खेळली जाणार आहे. ज्योतीष शास्रानुसार ग्रहणाचा काळ अशुभ मानला जात आहे. होळीच्या दिवशी होणारे चंद्रग्रहण खूपच दुलर्भ संयोग म्हटला जात आहे.
साल २०२६ चंद्रग्रहण डेट (Chandra Grahan 2026 Date)
साल २०२६ मध्ये चंद्रग्रहण होळीच्या दिवशी ३ मार्च रोजी होणार आहे. हे खंडग्रास चंद्रग्रहण असणार आहे. या चंद्रग्रहणाचा काळ दुपारी ३.२० वाजल्या पासून सायंकाळी ६.४७ वाजेपर्यंत असणार आहे. हे चंद्रग्रहण भारतातून दिसणार आहे. याचा सूतक काळ भारतात मानला जात आहे. ग्रहण लागण्याच्या ९ तास आधी याचा सूतक काळ लागतो.
सूतकाचे नियम
या चंद्रग्रहणाचा सूतक काळ ३ मार्च रोजी सकाळी ६.२० वाजता सुरु होणार आहे. शास्रात ग्रहणाच्या वेळचे खूप सारे नियम सांगतलेले आहेत. ज्याचे पालन करणे गरजेचे असते. चंद्रग्रहणातील सुतक काळात मंदिराचे दरवाजे बंद केले जातात. कोणतेही शूभ कार्य या काळात केले जात नाही. गर्भवती महिला, लहान मुले आणि आजारी मुलांसाठी ग्रहणकाळ जास्त महत्वाचा असतो.
कसे लागते ग्रहण?
खगोल शास्रानुसार चंद्रग्रहण एक सामान्य नैसर्गिक घटना मानली जाते.चंद्रग्रहण जेव्हा पृथ्वी, सुर्य आणि चंद्र एका सरळ रेषेत असतात आणि पृथ्वीची सावली चंद्रावर पडते तेव्हा त्या ग्रहण म्हटले जाते. वैज्ञानिकदृष्ट्या ही एक संपूर्ण खगोलीय घटना असते. साल २०२६ मध्ये एकूण ४ ग्रहणे लागणार आहेत. ज्यात दोन सुर्यग्रहण आणि दोन चंद्रग्रहणे आहेत.
