Holi 2024 : भारतातील ‘या’ शहरांतील होळी असते अविस्मरणीय ! सेलिब्रेशनची मजा होईल दुप्पट

फाल्गुन महिन्यातील पौर्णिमेला होळीचा सण साजरा केला जातो. या सणाचे हिंदू धर्मात खूप महत्व आहे. त्या दिवशी होलिका दहन केले जाते. तर होळीच्या दुसऱ्या दिवशी देशभरात ठिकठिकाणी रंग खेळले जातात. हा सण फक्त भारतातच नव्हे तर इतर विविध देशांतही उत्साहाने सादरा केला जाता. लहानांपासून मोठ्यांपर्यंत सर्वजण या सणाची आतुरतेने वाट पाहत असतात. यंदा 24 मार्चला होळी पौर्णिमा आहे तर दुसऱ्या दिवशी 25 मार्चला रंग खेळले जातील

तसं पहायला गेलं तर संपूर्ण देशात हा सण उत्साहाने साजरा केला जातो, तरी भारतात काही ठिकाणे अशी आहेत जिथे या सणाची मजा काही औरच असते. त्या ठिकाणी जाऊन होळी साजरी करायची, रंग खेळायची एक वेगळीच मजा असते. तिथे गेल्यावर तुमची होळीची मजा दुप्पट होते. अशा कोणत्या जागा, शहरं आहेत ते जाणून घेऊया..

मथुरा

हे सुद्धा वाचा

Holi 2024 : फक्त भारतातच नव्हे, या देशांमध्येही होतं होळी सेलिब्रेशन..

Skincare for holi : बिनधास्त खेळा होळी ! रंग घालवायला हे उटणं आहे रेडी ! ड्राय स्किनचाही नाही धोका

होळीचे नाव येताच मथुरेची आठवण येते. येथील होळी सर्वात अनोखी असते. श्रीकृष्णाचे जन्मस्थान असलेले मथुरा हे होळीच्या सणासाठी जगभर प्रसिद्ध आहे. येथे नागरिक द्वारकाधीश मंदिरात गुलालाने होळी साजरी करतात. तुम्ही मथुरेत होळी साजरी करण्यासाठी जाऊ शकता आणि रंगांच्या सणाचा आनंद लुटू शकता.

उदयपूर

राजस्थानमधील उदयपूरची होळीही खूप प्रसिद्ध आहे. तलावांचे शहर असलेल्या उदयपूरमधील रंगांच्या या उत्सवाचे दृश्य अतिशय विलोभनीय आहे. या दिवशी संपूर्ण शहर होळीच्या रंगात रंगून जाते. तुम्ही इथे फिरायलाही जाऊ शकता.

वृंदावन

भगवान श्रीकृष्णाची नगरी वृंदावनमध्येही होळीचा सण मोठ्या थाटामाटात साजरा केला जातो. इथली अरपनी होळी खूप प्रसिद्ध आहे. रंगांचा सण साजरा करण्यासाठी यापेक्षा चांगली जागा असूच शकत नाही. वृंदावनात फुलांची होळी खेळली जाते. बांके बिहारी मंदिरात हा उत्सव मोठ्या उत्साहात साजरा केला जातो.

पुष्कर

राजस्थानातील पुष्कर शहरातही मोठ्या थाटामाटात होळी साजरी केली जाते. फिरण्यासाठी देखील हे एक उत्तम ठिकाण आहे. येथे राष्ट्रीय आणि आंतरराष्ट्रीय पर्यटकांची मोठी गर्दी असते. होळीच्या दिवशी येथील लोक रंगात अक्षरश: रंगून गेलेले असतात. त्यामुळे तुम्हालाही होळी संस्मरणीय बनवायची असेल तर तुम्ही या ठिकाणांना भेट देऊ शकता.