रात्री झोपताना बेडसाईड टेबलवर ठेवताय ‘या’ वस्तू, आजच काढून टाका, नाहीतर…
सकाळी उठल्यानंतर वस्तू लवकर हाती लागाव्यात म्हणून अनेक जण बेडसाईड टेबलवर काही ठेवतो. पण ते चुकीचं आहे. तर तु्म्ही टेबल काही गोष्टी ठेवल्या असतील, त्या आजच काढून टाका.

आता प्रत्येकाच्या घरात वेगवेगळ्या प्रकारचे फर्निचर असतात. तर बेडरुमध्ये तर साईड टेबल तर असतोच. सर्वात महत्त्वाचं म्हणजे, जरी बेडसाइड टेबलमुळे बेडरूमला एक सुंदर लुक येत असला तरी, झोपण्यापूर्वी त्यावर काही विशिष्ट वस्तू ठेवणं टाळावं. असं न करणं तुमच्या सुरक्षेसाठी धोकादायक ठरू शकते. झोपताना मोबाईल फोन आणि लॅपटॉपसारखी उपकरणे उशीजवळ किंवा पलंगाच्या आसपास कधीही ठेवू नयेत. विशेषतः, ती चार्जिंगला अजिबात लावून ठेवू नयेत. कधीकधी, बॅटरी जास्त गरम झाल्यामुळे त्यांमध्ये स्फोट झाल्याच्या घटना घडल्या आहेत. याशिवाय, फोन जवळ असल्यामुळे येणाऱ्या नोटिफिकेशन्सच्या आवाजामुळेही तुमच्या झोपेत व्यत्यय येऊ शकतो.
अनेकांना रात्री भूक लागते आणि त्यांची रात्री खाऊ खाण्याची सवय असते. हे तुमच्या आरोग्यासाठी हानिकारक ठरू शकते. दुसरीकडे, जर तुम्ही पलंगाजवळ अर्धवट खाल्लेला खाऊ तसाच ठेवला, तर तिथे मुंग्या, झुरळे आणि इतर लहान कीटक येऊ शकतात.
तुम्ही पलंगाशेजारील खुर्ची किंवा फूटस्टूलला कपड्यांची टोपली समजणं थांबवलं पाहिजे. ते खूप अस्वच्छ दिसतं. तुम्ही रात्री अजिबात घाणेरडे कपडे सोबत ठेवू नयेत. त्यातून येणाऱ्या दुर्गंधीमुळे तुम्हाला त्रास होऊ शकतो. याशिवाय, सूक्ष्मजीवांच्या वाढीमुळे तुमच्या आरोग्यालाही हानी पोहोचू शकते.
बहुतेक लोकांना सुगंधित बेडरूम आवडते. म्हणूनच अनेक लोक झोपताना अगरबत्ती किंवा सुगंधित मेणबत्त्या लावतात. परंतु झोपण्यापूर्वी त्या विझवणं महत्त्वाचं आहे, अन्यथा आग लागण्याचा धोका असतो. कधीकधी, तीव्र सुगंध आणि बराच वेळ हळूहळू वर जाणारा धूर यामुळे श्वास घेण्यास त्रास देखील होऊ शकतो.
जर तुम्ही तुमच्या बेडसाइड टेबलवर अलार्म घड्याळ ठेवले, तर त्यामुळे तुमच्या झोपेत व्यत्यय येऊ शकतो. ते थोडं दूर ठेवलं पाहिजे, जेणेकरून अलार्मचा आवाज ऐकू येईल, पण झोपेत असताना त्याच्या टिक-टिक आवाजाने तुम्हाला त्रास होणार नाही. याशिवाय, तुम्ही साइड टेबलवर काचेच्या किंवा कोणत्याही धारदार वस्तू ठेवणं देखील टाळावं. झोप शांत होणं फार गरजेचं आहे.