AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

रायगडच्या राजकारणात वादा ठिणगी! महेंद्र दळवींचा सुनील तटकरेंना थेट इशारा, म्हणाले 'उलटी गिनती सुरू'

रायगडच्या राजकारणात वादा ठिणगी! महेंद्र दळवींचा सुनील तटकरेंना थेट इशारा, म्हणाले ‘उलटी गिनती सुरू’

| Updated on: Nov 21, 2026 | 10:33 AM
Share

रायगडमध्ये शिंदे गटाचे आमदार महेंद्र दळवी यांनी राष्ट्रवादीचे नेते सुनील तटकरे यांच्यावर जोरदार हल्ला चढवला आहे. "तटकरेंनी आपली चूक लक्षात घेतली असून त्यांची उलटी गिनती सुरू झाली आहे," असा इशारा दळवींनी दिला. तटकरेंच्या कथित घराणेशाहीमुळे कार्यकर्ते पक्षातून बाहेर पडत असल्याचे दळवींचे म्हणणे आहे, तर तटकरेंनी आपल्यामुळे टीआरपी वाढत असल्याचा पलटवार केला आहे.

रायगडच्या राजकारणात शिंदे गटाचे आमदार महेंद्र दळवी आणि राष्ट्रवादी काँग्रेसचे नेते सुनील तटकरे यांच्यातील शाब्दिक युद्ध तीव्र झाले आहे. दळवींनी तटकरेंवर पुन्हा एकदा निशाणा साधत, त्यांची “उलटी गिनती सुरू झाली आहे” असा थेट इशारा दिला आहे. दळवींच्या मते, सुनील तटकरेंना त्यांची चूक लक्षात आली आहे आणि त्यामुळेच त्यांच्या राजकीय कारकिर्दीची उलटी गिनती आता सुरू झाली आहे.

दळवींनी तटकरेंवर घराणेशाहीचा आरोप केला आहे. त्यांनी म्हटले आहे की, तटकरेंनी राष्ट्रवादी पक्ष वाढवण्याऐवजी आपले कुटुंबच वाढवले. त्यांच्या घरात त्यांचे भाऊ, पुतण्या आणि मुलगी यांना आमदार व मंत्रिपदे दिल्याचे दळवींनी निदर्शनास आणून दिले. यामुळे राष्ट्रवादीतील सामान्य कार्यकर्ते तटकरेंपासून दूर जात असल्याचे चित्र दिसत असल्याचे दळवी म्हणाले. या आरोपांना उत्तर देताना सुनील तटकरेंनी म्हटले की, “माझ्यावर बोलले की काहींचे चेहरे टीव्हीवर दिसतात.” त्यांनी पुढे सांगितले की, त्यांच्यामुळे टीआरपी वाढतो हेच खरे आहे आणि चेहरा दिसण्यासाठी त्यांना आपले नाव घ्यावे लागते. यामुळे तटकरे आणि दळवी यांच्यातील राजकीय संघर्ष अधिकच वाढण्याची शक्यता आहे.

Published on: Nov 21, 2026 10:33 AM

Follow Us