Kitchen Tips : कुकटॉपवर जळलेले डाग आणि पांढऱ्या रेषा? अशा पद्धतीने करा साफ; मॉडर्न कुकटॉपची अशी घ्या काळजी
ग्लास-सिरेमिक कुकटॉपवर पदार्थ सांडल्यानंतर तो वाळल्यास हट्टी डाग तयार होऊ शकतात. जोरात घासण्याऐवजी योग्य क्लिनिंग पद्धत वापरल्यास कुकटॉप स्वच्छ ठेवता येतो.
ग्लास – सिरेमिक कुकटॉप किचनला मॉडर्न लुक देतो.पण स्वयंपाक करताना एखादा पदार्थ कुकटॉपवर सांडतो आणि आपण नंतर साफ करू अस म्हणतो पण आपला नंतर येईपर्यंत तो डाग चांगलाच कडक होतो आणि चिपकून जातो. मग सुरू होत घासाघासीचं काम. मात्र सिरामिक कुकटॉप साफ करताना जोर लावण्यापेक्षा योग्य पद्धत वापरणं महत्त्वाचं असतं.
साफ करण्याआधी कुकटॉप थंड होऊ द्या
रोजची साफसफाई करण्यापूर्वी कुकटॉप बंद करून त्याला व्यवस्थित थंड होऊ द्यावे. त्यानंतरच साफसफाई सूरू करा. मात्र साखर,दूध असे पदार्थ पडले असतील तर त्यावर थोडे पाणी शिंपडून ठेवा. जेणेकरून ते डाग सुकणार नाहीत. असे डाग ओले राहिले तर लगेच साफ करता येतात.
डिशवॉशने स्वच्छ करा
रोजच्या सफाईसाठी कुकटॉप थंड झाल्यावर पाण्यात थोडं डिशवॉशिंग लिक्क्विड मिसळा. हे मिश्रण मऊ स्पंज किंवा स्वच्छ ओल्या कपड्याने कुकटॉपवर हलक्या हाताने पुसा. साफ केल्यानंतर कोरड्या आणि मऊ कपड्याने पुन्हा पुसाय यामुळे पाण्याचे डाग आणि ओलावा कमी होण्यास मदत होते.
जळलेले डाग जोरात घासू नका
कुकटॉपवर जळलेला पदार्थ चिकटला असेल तर स्टिलचा स्क्रबर किंवा खडबडीत वस्तूने घासू नका. त्यामुळे ग्लासवर ओरखडे पडू शकतात. त्याऐवजी ग्लास -सिरेमिक कुकटॉपसाठी योग्य क्लिनर वापरा.
चिकट पदार्थ काढण्यासाठी स्क्रॅपरची काळजी
साखर, सिरप, टोमॅटो किंवा वितळलेल्या प्लास्टिकचा पदार्थ कुकटॉपवर घट्ट चिकटला असेल तर च्या कुकटॉपच्या सूचनानुसार स्क्रॅपरचा वापर करावा. स्क्रॅपर साधारण ४५ अंशाच्या कोनात ठेवून अतिशय हलक्या हाताने वापरावा,
पांढऱ्या रेषा किंवा पाण्याचे डाग कसे काढाल?
कुकटॉपवरील पांढरे डाग काढण्यासाठी तुम्ही पांढऱ्या व्हिनेगरचा वापर करू शकता. त्यामुळे डाग स्वच्छ होतील आणि ग्लास एकदम चमकून जाईल.
कुकटॉपची ग्लास स्वच्छ कशी ठेवाल?
कुकटॉपवर भांडी ओढत नेऊ नका. ती उचलून ठेवा. भांड्याचा तळ स्वच्छ आणि कोरडा असू द्या. स्वयंपाक करताना वस्तू सांडल्यास वेळोवेळी पुसा. रोजची हलकी सफाई तुमचा कुकटॉप चमकून ठेवेल.
