हिवाळ्यात रोगप्रतिकारक शक्ती वाढवेल आले आणि गाजरचे सूप, जाणून घ्या रेसिपी

हिवाळ्यात अनेकदा आपल्याला काहीतरी गरम पिण्याची इच्छा होते. पण अशावेळी काय प्यावे हे कळत नाही. तर गाजर आणि आल्याचे सूप तुमच्यासाठी फायदेशीर ठरेल. गाजर आणि आले दोन्ही जीवनसत्वे आणि खनिजे समृद्ध आहे. गाजर मध्ये बीटा कॅरोटीन असते. जे शरीरात व्हिटॅमिन ए मध्ये रूपांतरित होते आणि डोळ्यांसाठी खूप चांगले असते. त्याचवेळी आल्यामध्ये जिंजरॉल असते जे एक शक्तिशाली अँटिऑक्सिडंट आहे आणि जळजळ कमी करण्यास मदत करते.

गाजर आणि आल्यामध्ये असलेले व्हिटॅमिन सी आणि अँटिऑक्सिडंट शरीराची रोगप्रतिकारक शक्ती वाढवतात आणि अनेक प्रकारच्या आजारांपासून आपले संरक्षण करतात. त्यासोबतच आले पचन सुधारण्यास मदत करते. त्यामुळे पोटातील गॅस आणि अपचन कमी होते. याशिवाय आल्यामध्ये वेदना कमी करणारे गुणधर्म असतात. जे स्नायू दुखणे आणि डोकेदुखी कमी करण्यास मदत करतात. जाणून घेऊया गाजर आणि आल्याचे सूप बनवण्याची रेसिपी.

साहित्य

गाजर ४ ते ५ (किसलेले)

एक इंच अद्रक (किसलेले)

कांदा १

लसूण पाकळ्या २ ते ३

तेल १ चमचा

जिरे 1/2 चमचा

हळद पाउडर 1/4 चमचा

धणे पावडर 1/2 चमचा

लाल तिखट 1/4 चमचा

मीठ

पाणी

कोथिंबीर

कृती

सर्वप्रथम कढईमध्ये तेल गरम करा. त्यात जिरे टाका आणि ते तडतडू द्या. नंतर कांदा आणि लसूण घालून सोनेरी होईपर्यंत परता.

आता त्यात किसलेले गाजर आणि आले घालून दोन ते तीन मिनिटे परतून घ्या.

आता त्यामध्ये हळद, धने पूड, तिखट आणि मीठ घालून मिक्स करा.

यानंतर चार कप पाणी घालून मंद आचेवर 15 ते 20 मिनिटे किंवा गाजर मऊ होईपर्यंत शिजवा.

नंतर गॅस बंद करा आणि मिश्रण थंड होऊ द्या. मिश्रण थंड झाल्यानंतर मिक्सरमध्ये बारीक करून गुळगुळीत पेस्ट बनवा.

आता सूप पुन्हा पॅनमध्ये टाका आणि गरम करा. सूप कोथिंबिरीने सजवा आणि सर्व्ह करा.

गाजर आणि आल्याच्या सूपचे फायदे:

आल्यामध्ये अँटिऑक्सिडंट असतात जे रोगप्रतिकारक शक्ती वाढवण्यास मदत करतात.

आले पचन सुधारण्यास मदत करते आणि गॅस तसेच बद्धकोष्ठतेची समस्या दूर करते.

गाजर मध्ये व्हिटॅमिन ए असते जे त्वचा निरोगी ठेवण्यास मदत करते.

गाजरामध्ये असलेले व्हिटॅमिन ए डोळ्यांसाठी देखील चांगले आहे.

या सूप मध्ये कॅलरीज कमी असल्याने वजन कमी करण्यास देखील मदत होते.