बचके रेहना रे बाबा…! काचेची बाटली फ्रीजमध्ये ठेवायची नसते… कारण माहीत आहे का ?
Glass Bottle In Freezer : बरेच लोक काचेच्या बाटलीत पाणी भरून थेट फ्रीजरमध्ये ठेवतात. पण असे केल्याने खूप मोठे नुकसान होऊ शकते.
नवी दिल्ली : उन्हाळ्याच्या दिवसांत बर्फ आणि थंड पाण्याचा (cold water and ice) सर्वाधिक वापर होतो. काही लोक थंड पाणी साठवण्यासाठी वॉटर कुलरमध्ये बर्फ ठेवतात. त्याच वेळी काही लोक ग्लास किंवा प्लास्टिकच्या बाटलीत पाणी भरून फ्रीजमध्ये ठेवतात. पण अनेकजण काचेच्या बाटलीत (glass bottle) पाणी भरूनही ती थेट फ्रीजरमध्ये ठेवतात. मात्र असे केल्याने मोठे नुकसान होऊ शकते. असं का असा प्रश्न तुम्हाला पडत असेल तर त्याचं कारणही समजून घेऊया. फ्रीजरमध्ये थंड तापमान जास्त असते, ज्यामुळे काचेची बाटली फुटू (crack) शकते.
फ्रीजरमध्ये का तडकते काच ?
पाण्याने भरलेली काचेची बाटली फ्रीजरमध्ये ठेवली असता, फ्रीजरच्या आतल्या तापमानामुळे पाणी गोठते म्हणजेच बर्फ बनते. जेव्हा पाणी गोठते तेव्हा त्याची घनता कमी होते कारण बर्फ पाण्यापेक्षा कमी डेन्सिटीचा असतो. यामुळे द्रव्यमान स्थिर होते कारण पाणी बाहेर काढले जात नाही किंवा त्यातून कोणत्याही प्रकारची गळती होत नाही.
साध्या-सोप्या शब्दांत सांगायचे झाले तर, बर्फाची घनता पाण्याच्या घनतेपेक्षा कमी असते, त्यामुळे त्याचे प्रमाण वाढते आणि बर्फ जास्त जागा व्यापतो. यामुळे बर्फ जास्त जागा घेत असल्याने बाटली फुटू शकते. तथापि, काचेच्या बाटलीमध्ये क्रॅक येऊ शकतो की नाही हे पाण्याच्या प्रमाणावरही अवलंबून असते.
प्लास्टिकच्या बाटलीतही ठेवू नका पाणी
कदाचित तुम्हाला हे जाणून आश्चर्य वाटेल की फ्रीजमध्ये ठेवलेल्या पाण्याच्या बाटलीमध्ये अधिक बॅक्टेरिया असतात. फ्रीजमध्ये पाणी ठेवताना चुकूनही स्वस्त प्लास्टिकची बाटली वापरू नका. अशा बाटलीमध्ये बॅक्टेरिया फार लवकर वाढू लागतात. तसेच फ्रीजमध्ये बाटली ठेवायची असेल तर उत्तम दर्जाची बाटली वापरा. या व्यतिरिक्त, पाण्याची प्लास्टिकची बाटली नेहमी 2 ते 3 दिवसांत स्वच्छ धुवावी. जेणेकरून तुम्ही कोणत्याही बॅक्टेरियाच्या संसर्गापासून सुरक्षित राहाल.
