Makeup myths : मेकअप च्या बाबतीत पसरलेल्या ‘या’ गैरसमजांवर अनेकदा विश्वास करतात महिला; जाणून घ्या, मेकअपशी संबधित ‘हे’ गैरसमज!

सांकेतिक छायाचित्र

मुंबई : दैनंदिन जीवनात, स्त्रिया नो मेकअप लूकमध्ये (In a makeup look) दिसत असतील, परंतु एखाद्या खास प्रसंगासाठी चांगला मेकअप केल्याने, स्त्रियांना इतर कोणत्याही गोष्टीपेक्षा अधिक आत्मविश्वास वाटतो. पार्टी किंवा इव्हेंटनुसार परफेक्ट लुक येण्यासाठी मेकअपशी संबंधित अनेक छोट्या-छोट्या गोष्टींची काळजी घ्यावी लागते. पण माहितीच्या अभावात महिला मेकअपशी संबंधित अनेक गैरसमजुतीवरही विश्वास ठेवतात. ज्यामुळे त्यांच्या त्वचेला हानी (Damage to the skin) पोहोचते. काही स्त्रिया रुटीनमध्ये मेकअप करतात, तर काही अधूनमधून त्यांच्या लूकमध्ये सौंदर्य वाढवतात. मेकअप तुम्हाला सुंदर बनवू शकतो, परंतु ते करण्यापूर्वी योग्य माहिती जाणून घेणे महत्त्वाचे आहे. काही वेळा योग्य माहितीशिवाय मेकअप केल्याने चेहरा काळवंडतो किंवा पिंपल्स येतात. तसे, मेकअपबाबत लोकांमध्ये अनेक गैरसमज (misunderstanding) पसरलेले आहेत. अनेक वेळा या गैरसमजुतीवर अवलंबून राहून महिला किंवा पुरुष त्यांचे नुकसान देखील करतात. जाणून घ्या, मेकअप च्या बाबत असेच काही गैरसमज.

गैरसमज: तेलकट त्वचेसाठी मॉइश्चरायझरची गरज नसते

तुमची त्वचा तेलकट असो की कोरडी याने काही फरक पडत नाही, तुम्ही दररोज त्वचा हायड्रेट ठेवली पाहिजे. त्वचेमध्ये तयार होणारे तेल सेबम असते आणि जर त्वचा मॉइश्चरायझ्ड नसेल तर, ती कोरडे होऊ लागते. मेकअप करताना मॉइश्चरायझर लावू नये असं लोकांना वाटतं, पण असा विचार करणं चुकीचं आहे. मेकअप लावण्यापूर्वी आणि काढल्यानंतर त्वचेवर मॉइश्चरायझर वापरावे.

गैरसमज: मेकअपमुळे मुरुमे होतात

मेकअपमुळे मुरुमे होऊ शकतात, पण यामागचे कारण काहीतरी वेगळे आहे. तज्ज्ञांच्या मते, जर तुम्ही जास्त काळ चेहऱ्याचा मेकअप काढला नाही, तर चेहऱ्यावर मुरुमे होऊ शकतात. हा समज पसरवला जात आहे की, मेकअपनंतर नक्कीच पुरळ येईल, परंतु असा विचार करणे चुकीचे आहे.

गैरसमज: सनस्क्रीनची गरज नाही

असाही एक समज आहे की मेकअप करणाऱ्यांना सनस्क्रीन लावण्याची गरज नसते. तज्ज्ञांचे म्हणणे आहे की, तुम्ही मेकअप करा किंवा न करा, त्वचेवर गरजेनुसार सनस्क्रीन लावलेच पाहिजे. सनस्क्रीन आपल्या त्वचेला टॅनिंगपासून वाचवण्यासोबतच इतर समस्यांपासूनही वाचवते.

गैरसमज: केवळ महाग उत्पादने चांगल्या दर्जाची असतात

मेकअप उत्पादनांची श्रेणी बदलते, काही महाग असतात आणि काही स्वस्त असतात. असा विश्वास आहे की, मेकअप उत्पादन जितके महाग असेल तितकी त्याची गुणवत्ता चांगली असेल. मेकअप उत्पादन तुमच्या त्वचेच्या प्रकाराला अनुरूप नसेल. परंतु तुम्ही, नेहमी मूळ उत्पादने वापरा.