तुम्हीही मसाला पापड खाण्याचे शौकीन आहात का? मग हे वाचाच, परिणाम जाणून धक्का बसेल

अनेकांना जेवणासोबत पापड खायला आवडते. एवढंच नाही तर रेस्टॉरंटमध्ये गेल्यावर स्टार्टरला देखील अनेकजण जेवणाआधी मसला पापड आवर्जून मागवतात. तर काहींना रोज जेवणासोबत मसाला पापड हा लागतोच. टोमॅटो, कांदा, मिरची आणि मसाले घालून कुरकुरीत पापड खाण्याची मजा असते खरी पण तुम्हाला हे जाणून आश्चर्य वाटेल की यामुळे आरोग्याला धोका निर्माण होऊ शकतो. अलिकडच्या एका अभ्यासात एक धक्कादायक सत्य समोर आले आहे.

सतत मसाला पापड खाल्ल्याने आरोग्यास काय धोका होऊ शकतो?

एका संशोधनानुसार, सतत मसाला पापड खाल्ल्याने रक्तातील साखरेची पातळी अचानक वाढू शकते. बरेच लोक ते आरोग्यदायी नाश्ता समजून पापड खातात. परंतु सत्य पूर्णपणे उलट आहे. विशेषतः मधुमेही रुग्णांसाठी ते आणखी धोकादायक ठरू शकते. हा मसाला पापड आरोग्यासाठी हानिकारक का ठरू शकतो हे आपण समजून घेऊयात.

लोक मसाला पापड हा एक आरोग्यदायी नाश्ता मानतात.

लोक सहसा असे गृहीत धरतात की पापड हा एक आरोग्यदायी स्नॅक्स आहे कारण त्यात जास्त तेल किंवा कॅलरीज नसतात. त्यात भाज्या आणि लिंबू घातल्याने ते आणखी आरोग्यदायी बनते. तथापि, वास्तविकता अशी आहे की पापड प्रामुख्याने रिफाइंड पीठ, डाळी किंवा स्टार्चपासून बनवले जाते, ज्यांचा ग्लायसेमिक इंडेक्स जास्त असतो.

अभ्यासात समोर आलं धक्कादायक सत्य

एका नवीन अभ्यासात असे आढळून आले आहे की मसाला पापड खाल्ल्याने रक्तातील साखरेचे प्रमाण अचानक वाढते. संशोधकांचे म्हणणे आहे की पापडसोबत वापरल्या जाणाऱ्या मसाले आणि भाज्यांचा रक्तातील साखरेच्या पातळीवरही परिणाम होतो. याचा अर्थ असा की ते हलके आणि आरोग्यदायी मानणे ही एक मोठी चूक असू शकते.

पापड रक्तातील साखरेवर कसा परिणाम करतो?

पापड तळलेले किंवा भाजलेले असल्यामुळे, त्यातील स्टार्च लवकर पचतो आणि रक्तातील ग्लुकोज वाढवतो. शिवाय, कांदे, टोमॅटो आणि मसाल्यांचा देखील त्वरित परिणाम होतो. म्हणूनच जेवणासोबत मसाला पापड खाल्ल्याने रक्तातील साखरेचे संतुलन बिघडते आणि साखर वाढू शकते.

पापड मधुमेही रुग्णांसाठी अधिक धोकादायक का आहे?

जर तुम्हाला मधुमेह असेल तर मसाला पापड हा तुमच्यासाठी योग्य नाश्ता नाही. त्यामुळे तुमच्या रक्तातील साखरेची पातळी वाढू शकते. ही परिस्थिती रुग्णासाठी खूप धोकादायक असू शकते.

पापडऐवजी चांगला पर्याय

आरोग्य तज्ञांचा असा सल्ला आहे की पापडऐवजी सॅलड, फळे, मोड आलेले कडधान्य किंवा सुकामेवा यासारखे निरोगी स्नॅक्स खाणे चांगले. यामुळे केवळ ऊर्जाच मिळणार नाही तर तुमच्या रक्तातील साखरेची पातळी देखील नियंत्रणात राहील.

काय करावे आणि काय करू नये

जर तुम्हाला मसाला पापड आवडत असेल आणि तो खाण्याची सवयच असेल तर रोज खाण्यापेक्षा तो अधूनमधून आणि मर्यादित प्रमाणात खाण्याचा प्रयत्न करा. ते दररोज खाल्ल्याने तुमच्या साखरेची पातळी बिघडू शकते. मधुमेहींनी तर पापड खाणे पूर्णपणे टाळावे.