दह्यामध्ये ‘या’ गोष्टी मिक्स करून त्वचेवर लावल्यास चेहरा होईल मऊ व चमकदार
त्वचा निरोगी राहावी यासाठी आपण प्रत्येकजण घरगूती उपायांचा अवलंब करून स्किन केअर करत असतो. अशातच तुम्ही जर दह्यात या गोष्टी मिक्स करून लावल्यास तुमची त्वचा मऊ आणि चमकदार होईल. चला तर मग आजच्या लेखात आपण दह्यात कोणत्या गोष्टी मिक्स कराव्यात ते जाणून घेऊयात.
हवामान बदलत असताना आपल्या आरोग्यावर आणि त्वचेवर सर्वाधिक परिणाम होतो. म्हणूनच शरीरासोबतच त्वचेची देखील विशेष काळजी घेणे आवश्यक आहे. जर तुम्हाला बदलत्या जीवनशैलीत आणि वातावरणात तुमची त्वचा निरोगी आणि चमकदार ठेवायची असेल तर तुम्ही बाजारात उपलब्ध असलेल्या महागड्या स्किनकेअर प्रोडक्ट ऐवजी या घरगूती आणि स्वयंपाकघरातील काही घटकांचा वापर करून त्वचा चमकदार बनवू शकता. चला तर मग आजच्या लेखात आपण चमकदार त्वचेसाठी दह्याचा वापर कसा करू शकता ते जाणून घेऊयात.
दह्यापासून फेस पॅक कसा बनवायचा?
1. दही आणि बेसनचा फेसपॅक
साहित्य-
बेसन
दही
फेसपॅक बनवण्याची पद्धत-
एका लहान भांड्यात दही आणि बेसन एकत्र करून घट्ट पेस्ट तयार करा. प्रथम साध्या पाण्याने किंवा क्लिंझरने तुमचा चेहरा पूर्णपणे स्वच्छ करा. ही पेस्ट तुमच्या स्वच्छ चेहऱ्यावर आणि मानेवर लावा. काही मिनिटांनंतर, गोलाकार हालचालीत हलक्या हाताने मालिश करा आणि कोमट पाण्याने चेहरा धुवा.
2. दही आणि मधाचा फेसपॅक
साहित्य-
दही
मध
फेसपॅक बनवण्याची पद्धत-
एका लहान भांड्यात दही आणि मध नीट मिसळून एक गुळगुळीत पेस्ट तयार करा. प्रथम, साध्या पाण्याने किंवा क्लिंझरने तुमचा चेहरा पूर्णपणे स्वच्छ करा. हा पॅक तुमच्या बोटांनी किंवा ब्रशने तुमच्या चेहऱ्यावर आणि मानेवर एकसारखा लावा. काही मिनिटे झाल्यावर तुम्ही वर्तुळाकार हालचालीत तुमच्या चेहऱ्यावर हलक्या हाताने मालिश करा. काही मिनिटे तसेच राहू द्या. नंतर, कोमट किंवा सामान्य पाण्याने तुमचा चेहरा धुवा आणि कोरडा करा.
चेहऱ्यावर दही लावण्याचे फायदे-
1. मृत त्वचा
दह्यामध्ये लॅक्टिक ॲसिड असते, जे नैसर्गिक एक्सफोलिएट म्हणून काम करते, जे मृत त्वचा आणि टॅनिंगपासून आराम देऊ शकते.
2. हायड्रेट करा
दही हे एक उत्तम नैसर्गिक मॉइश्चरायझर आहे जे तुमच्या त्वचेला हायड्रेट ठेवण्यास मदत करते. जर तुमची त्वचा कोरडी असेल तर तुम्ही या फेसपॅकचा नक्कीच चेहऱ्यावर लावा.
3. चमकणारी त्वचा
दह्याचा फेस पॅक वापरल्याने त्वचेवरील डाग कमी होण्यास मदत होते. उन्हाळ्यात मुरुमांचा त्रास असलेल्यांसाठी दही उत्तम आहे.
4. वृद्धत्व विरोधी
दह्यामध्ये प्रथिने आणि कॅल्शियम असते, जे कोलेजन वाढवते, ज्यामुळे सुरकुत्या कमी होतात.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
