पुरूषांनो अशी घ्या त्वचेची काळजी, ‘या’ ब्युटी टिप्स नक्की वाचा !

पुरुष आजकाल स्टायलिश हेअरकट, चेहऱ्यावरील चांगले केस आणि प्रभावी स्किनकेअर रूटीनला प्राधान्य देतात. अनेकदा लोकांना वाटतं की, फक्त महिलांनाच ब्युटी टिप्सची गरज असते, पण तसं नसतं. महिलांबरोबरच पुरुषांनाही या ब्युटी टिप्सची गरज असते.

आम्ही तुम्हाला अशाच काही ब्युटी टिप्सबद्दल सांगणार आहोत, ज्या पुरुषांनीही वापरायला हव्यात. जेणेकरून सर्व प्रकारच्या समस्याही त्यांच्या त्वचेपासून दूर राहतील. जर तुम्हीही अशा पुरुषांपैकी असाल ज्यांना आपल्या त्वचेची विशेष काळजी घ्यायची असेल तर या गोष्टी लक्षात ठेवा.

बदलत्या ऋतूत त्वचेची योग्य काळजी घेतली नाही तर तुम्हाला मोठ्या त्रासाला सामोरे जावे लागू शकते. महिला आपल्या सौंदर्याची काळजी घेण्यासाठी सर्व प्रकारच्या ब्युटी टिप्स अवलंबतात, पण पुरुषांना हे सर्व समजत नाही.

महिलांनी तसेच पुरुषांनी दर आठवड्याला फेस मास्कचा वापर करणे आवश्यक आहे. जर तुम्ही रोज चेहऱ्यावर फेस मास्क लावला तर तुमच्या सर्व समस्या दूर होतील. बाजारात मिळणाऱ्या मास्कवर तुमचा विश्वास नसेल तर तुम्ही होममेड मास्कचाही वापर करू शकता.

मुली मॉइश्चरायझर लावतात, असं तुम्ही अनेकदा मुलांना म्हणताना ऐकलं असेल. तर दोघांसाठीही ते आवश्यक आहे. विशेषत: जेव्हा हवामान बदलत असेल तेव्हा मॉइश्चरायझर वापरण्याची खात्री करा. यामुळे तुमच्या त्वचेतील ओलावा टिकून राहील. फक्त हे लक्षात ठेवा की मॉइश्चरायझर आपल्या त्वचेच्या प्रकारानुसार असावे.

ओठ तुमचा लूक खराब करू शकतात

कोरडे ओठ तुमचा लूक खराब करू शकतात. अशावेळी वेळोवेळी लिप बामचा वापर करावा. हे लिप बाम चांगल्या दर्जाचे असावे हे लक्षात ठेवा. निकृष्ट दर्जाचे लिप बाम आपल्या ओठांना हानी पोहोचवू शकते.

केसांची निगा राखणे

आपल्या त्वचेची तसेच केसांची काळजी घ्या. यासाठी टाळूवर कधीही कोंडा होणार नाही याची काळजी घ्यावी. डोक्यावर जमा झालेला कोंडा तुम्हाला लाजवू शकतो. अशावेळी हेअर मास्कचा वापर करून कोंडा दूर करा.

बहुतेक मुले चेहरा धुण्यासाठी साबणाचा वापर करतात. परंतु हे करू नये. चेहऱ्याची त्वचा अतिशय नाजूक असते, ज्यामुळे साबण नुकसान करू शकतो. अशावेळी चेहरा धुण्यासाठी सौम्य फेसवॉशचा वापर करा.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)