फक्त एका व्यायाम आणि तिने घटवलं 67 किलो वजन.. वाचा तिची कहाणी !
वाढतं वजन ही आजकाल अनेकांसाठी एक समस्या बनली आहे. एकदा वजन वढलं की ते कमी करणं खूप कठीण असतं पण तितकंच महत्वाचही असतं. मात्र, हे वजन कमी करण्यासाठी आणि तंदुरुस्त शरीर मिळविण्यासाठी कठोर परिश्रम करावे लागतात. एका महिलेने तिचा वजन कमी करण्याचा प्रवास सोशल मीडियावर शेअर केला आहे, ज्यावरून तुम्ही टिप्स देखील घेऊ शकता.
आजकालच्या अनहेल्दी जीवनशैलीमुळे वजन वाढणे ही एक सामान्य समस्या बनली आहे. बरेचजण त्यांच्या लठ्ठपणाबद्दल काळजीत असतात. वाढत्या वजनामुळे आरोग्याशी संबंधित अनेक समस्याही उद्भवतात. अशा परिस्थितीत, वेळेवर वजन नियंत्रित करणे महत्वाचे बनते. यासाठी लोक वेगवेगळ्या पद्धतींचा अवलंब करतात. काही जण व्यायाम करतात तर काही जण आहारावर नियंत्रण ठेवतात. पण वजन कमी करण्याचा प्रवास इतका सोपा नाही.
अनेकांना कठोर परिश्रम करूनही अपेक्षित परिणाम मिळत नाहीत. पण आज आम्ही तुम्हाला एका महिलेबद्दल सांगणार आहोत जिने तिचे 63 किलो वजन कमी केले आहे. ही महिला सोशल मीडिया इन्फ्लुएंसर सिमरन पूनिया आहे, जिने तिचा वजन कमी करण्याचा प्रवास सोशल मीडियावर चाहत्यांसोबत शेअर केला आहे. सिमरनने तिच्या पोस्टमध्ये सांगितले की तिने तिचे वजन 130 किलोवरून 63 किलो कसे कमी केले? तिचं फिटनेस रूटीन जाणून घेऊया.
कसं घटवलं 63 किलो वजन ?
सिमरन पूनियाने तिच्या इंस्टाग्राम अकाउंटवर एक व्हिडिओ पोस्ट केला आहे. या व्हिडिओमध्ये तिने सांगितले की, पूर्वी तिचे वजन 130 किलो होते आणि आता तिचे वजन ६३ किलो आहे. या व्हिडिओमध्ये सिमरनने सांगितले की कार्डिओ आहे हा तिचा आवडता व्यायाम आहे. त्याच्या मदतीने ती वजन कमी करण्यात यशस्वी झाली आहे.
आवडता व्यायाम
या व्हिडीओत सिमरनने सांगितलं की – मी सर्वात महत्त्वाचा व्यायाम करतो तो कार्डिओ. माझे वजन 130 किलो होते. इतके वजन असल्याने, मला लांब अंतर चालणे खूप कठीण होते. पहिल्या दिवशी मी फक्त 700 मीटर चालले आणि इतके अंतर चालूनही मी खूप थकले होते. दुसऱ्या दिवशी मी 1 किलोमीटर चालू शकले. हे शक्य झाले कारण मी लहान पावले उचलायचे, कारण माझ्या जास्त वजनामुळे मला धावणे किंवा जॉगिंग करणे शक्य नव्हते.
जर तुमचे वजन खूप जास्त असेल तर धावणे किंवा जॉगिंग करणे तुमच्या हाडांसाठी चांगले मानले जात नाही. या व्हिडिओमध्ये सिमरनने असेही सांगितले आहे की तिला पूर्वी चालणे अजिबात आवडत नव्हते. पण आता तो तिच्या फिटनेस रूटीनचा एक आवडता भाग बनला आहे. हे एका दिवसाचे किंवा एका महिन्याचे काम नाही. यासाठी तुम्हाला महिने किंवा वर्षे कठोर परिश्रम करावे लागू शकतात, असे सिमरनने सांगितले.. म्हणूनच जे लोक फिटनेसच्या प्रवासात लवकर थकतात त्यांना विश्वास आणि संयम दोन्ही असणे आवश्यक आहे.
(डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
