जेवणानंतर ‘या’ 5 गोष्टी कधीही करू नका, त्यामुळे आरोग्यावर होईल वाईट परिणाम
अन्नाचे सेवन करणे हे केवळ पोट भरण्यासाठी नसते, तर ते शरीराला ऊर्जा देण्यासाठी तसेच इतर अनेक फायदे देखील आपल्याला मिळतात. पण जेवल्यानंतर काही लोकं काही अशा गोष्टी करतात ज्या त्यांच्या पचन प्रक्रियेवर परिणाम होतो. तर आज आम्ही तुम्हाला या लेखात जेवणानंतर लगेच कोणत्या 5 गोष्टी करू नये हे सांगणार आहोत. ते जाणून घेऊयात...
आपल्या काही सवयींचा विचार आपण कधीच करत नाही. त्यामूळे या सवयींच्या दूष्परिणामांचा आपण विचार कधीच करत नाही. तसेच अनेकदा आपल्याला घरातील मोठी व्यक्ती सांगत असते की “जेवल्यानंतर थोडी विश्रांती घ्या” किंवा “लगेच पाणी पिऊ नका”. पण यांचा यामागे काय कारण आहे याचा आपण कधी विचार केला आहे का? अन्न हे फक्त पोट भरण्यासाठी नाही तर ते आपल्या आरोग्यासाठी आणि पचनासाठी देखील खूप महत्वाचे आहे. जेव्हा आपण अन्न खातो तेव्हा आपले शरीर ते पचवण्यासाठी अनेक प्रक्रिया सुरू करते जसे की पोटात आम्ल तयार होणे, आतडे सक्रिय होणे आणि शरीराला ऊर्जा प्रदान करणे.
पण जर आपण जेवणानंतर लगेच काही चुकीच्या सवयी लावल्या तर त्या पचनक्रियेला नुकसान पोहोचवतातच, त्यामुळे गॅस, अपचन, वजन वाढणे आणि पोटाशी संबंधित आजार देखील होऊ शकतात. म्हणून जेवणानंतर लगेच चुकूनही अशा ५ गोष्टी करू नये चला तर मग जाणून घेऊया याबद्दल…
1. जेवल्यानंतर लगेच झोपणे
काही लोकं जेवणानंतर लगेच विश्रांतीसाठी झोपी जातात. विशेषतः दुपारी. पण तुमच्या या सवयींचा आरोग्यावर वाईट परिणाम होऊ शकतो. जर तुम्ही जेवल्यानंतर लगेच झोपलात तर त्याचा पचन प्रक्रियेवर परिणाम होऊ शकतो, ज्यामुळे गॅस, छातीत जळजळ आणि आम्लता यासारख्या समस्या उद्भवू शकतात. त्याचवेळी, हे कारण देखील वाढू शकते. म्हणून, नेहमी जेवल्यानंतर 1 किंवा 1.5 तासांनी झोपा.
2. धूम्रपान
काही लोकं जेवणानंतर लगेचच धूम्रपान करायला सुरुवात करतात. त्यांना असे वाटते की असे केल्याने त्यांना आराम मिळेल. पण त्या लोकांना हे माहित नाही की ते आरोग्यासाठी असे करणे खूप धोकादायक ठरू शकते. खाल्ल्यानंतर लगेचच पचन प्रक्रिया खूप जलद होते. अशा परिस्थितीत ताबडतोब धूम्रपान केल्याने निकोटीन शरीरात जलद शोषले जाईल, ज्यामुळे कर्करोगाचा धोका देखील वाढू शकतो. अशा परिस्थितीत खाल्ल्यानंतर 30-40 मिनिटांनी धूम्रपान करा. शक्य असल्यास, धूम्रपान थांबवा.
3. पाणी किंवा चहा पिणे
जेवणानंतर चहा पिण्याची भारतात एक परंपरा बनली आहे. जेवणानंतर अनेकांना काही वेळाने चहा प्यायला आवडते. पण चहामध्ये टॅनिन आढळतात, जे लोह आणि इतर खनिजे शोषण्यापासून रोखतात. बरेच लोकं जेवणानंतर पाणी पितात, ही देखील एक चुकीची सवय आहे. जेवणानंतर लगेच पाणी प्यायल्याने विशेषतः थंड पाणी प्यायल्याने पाचक रस पातळ होतो ज्यामुळे अन्न व्यवस्थित पचत नाही. म्हणून जेवणानंतर फक्त 30 मिनिटांनी चहा किंवा पाणी प्या.
4. चालण्यासाठी जाणे
जेवणानंतर चालणे आरोग्यासाठी चांगले मानले जाते. पण तुम्हाला माहित नाही की जेवल्यानंतर लगेच चालायला जाऊ नये. कारण यामुळे पचनक्रियेत अडथळा येऊ शकतो. रक्तप्रवाह पोटाच्या स्नायूंकडे जातो. जेवणानंतर 20-30 मिनिटे चालणे फायदेशीर आहे.
5 . ताबडतोब आंघोळ करणे
तुम्हीही जेवल्यानंतर लगेच आंघोळ करत असाल तर ते थांबवा. कारण जेवणानंतर लगेच आंघोळ केल्याने शरीराचे तापमान बिघडते आणि रक्त पोटाऐवजी त्वचेकडे जाते. शिवाय ते पचन प्रक्रिया देखील मंदावू शकते. अशा परिस्थितीत जेवणापूर्वी किंवा जेवणानंतर 30-40 मिनिटांनी आंघोळ करा.
