मराठमोळी फायटर आज्जी… 8 फूट लांब खतरनाक साप हातात पकडला, गळ्यात घातला; वयाच्या 70 व्या वर्षी ना डर, ना भीती, Video पाहा
पुण्यातील 70 वर्षांच्या आजी शकुंतला सुतार यांच्या घरात 8 फूट लांबीचा साप शिरला. पण तो पाहून घाबरण्याऐवजी किंवा मदतीसाठी कोणालाही हाक मारण्याऐवजी या मराठमोळ्या आज्जीने सापासोबत जे केले ते पाहून नेटकऱ्यांना धक्काच बसला. त्यांचा व्हिडीओ बघता बघता वेगाने व्हायर झालाय.
समोर साप दिसला की अनेकांची हवा टाईटहोते, त त प प सुरू होतं अनेकांचं. भीतीने शब्दच फुटत नाही, अक्षरश: बोबडी वळते एकेकाची. पण घरात घुसलेला तब्बल 8 फूट लांबीचा साप पाहूनही 70 वर्षांची आज्जी जराही घाबरली नाही, त्या उलट सापाला पाहून तिने जे केलं, ते पाहून भलेभलेही थक्क झाले. सोशल मीडियावर 70 वर्षांच्या फायटर आज्जीचा एक व्हिडीओ वाऱ्याच्या वेगाने व्हायरल झाला असून तो पाहून नेटकरीदेखील अवाक् झालेत. व्हायरल झालेल्या या व्हिडीओमध्ये ‘फायटर आज्जी’ने निर्भयपणे 8 फूट लांबीचा तो साप सहज, उघड्या हातांनी पकडला (Old Woman caught Snake With Bare Hand)आणि एवढंच नव्हे तर तिने तो साप गळ्यातही गुंडाळला.
कुठे घडला खतरनाक प्रकार ?
हैराण करारी ही थराराक घटना पुण्यातील मुळशी तालुक्यातील कासार आंबोली गावात घडली आहे. तिथे राहणाऱ्या 70 वर्षीय शकुंतला सुतार यांची ही कहाणी आहे. शकुंतला सुतार यांच्या घरात चक्क रॅट स्नेक म्हणजेच धामण घुसला होता. थोडाथोडका नव्हे तो साप चक्क 8 फूट लांबीचा होता. मात्र तो साप पाहून शकुंतला आज्जी घाबरली नाही ना मदतीसाठी कोणालाही हाक मारली. त्या सापाला त्यांनी स्वत:च्या हातानेच पकडलं. ज्यांनी ज्यांनी हे पाहिलं, आज्जीचं ते धाडस पाहून ते लोक अवाक् झाले.
पण शकुंतला सुतार यांचं साप पकडण्यामागचं उद्दिष्ट केवळ धाडस दाखवणं नव्हते तर लोकांमध्ये सापांविषयी जागरूकता पसरवणे आणि अंधश्रद्धा दूर करणे हे देखील होतं. हा धामण साप आहे, तो विषारी नाही. पण भीतीमुळे आपण या सापांना मारतो. तो (साप) उंदीर आणि कीटक खाऊन जगतो, गुजारण करतो आणि आपल्या शेतांची राखण करतो. पण अंधविश्वासाला बळी पडून अनेक लोकं अशा सापांना मारून टाकतात, जे चुकीचं आहे, असं शकुंतला सुतार म्हणाल्या.
फायटर आज्जीचा डेरिंगबाज व्हिडीओ
🐍💪 70 साल की उम्र में भी हौसला जवान!
पुणे के मुलशी तालुका के कासर अंबोली गाँव की शकुंतला सुतार दादी ने जो किया, वो किसी फिल्मी सीन से कम नहीं।
जब उनके घर में धामन सांप निकला, तो दादी ने
ना डर दिखाया
ना हंगामा किया बल्कि बिना घबराए साँप को खुद पकड़ा और गले में डालकर लोगों को… pic.twitter.com/eKuoKCntat
— Satyaagrah (@satyaagrahindia) July 27, 2025
'फायटर आज्जी'चा हा व्हिडीओ सध्या सोशल मीडियावर प्रचंड गाजतोय. तो पाहून अनेक लोकं त्या आजीच्या हिमतीचं, धाडसाचं कौतुक देखील करत आहे. भारतात लोक सापाच्या विषामुळे नाही तर वेळेवर उपचार न मिळाल्याने मरतात,अशी कमेंट एकाने केली. आजी, तुम्ही पसरवलेली जागरूकता कौतुकास्पद आहे असं दुसऱ्याने या व्हिडीओवर कमेंट करताना लिहीलं.
