Anil Bonde | ओबीसी, मराठ्यांना आरक्षण का नाही, अमोल मिटकरींनी आपल्या सरदाराला विचारावं, अनिल बोंडे यांनी डिवचलं
अमोल मिटकरी हे बाजारभोंगा आहेत. या बाजारभोंग्याच्या त्यांनी दुसऱ्यावर टीका करण्यापूर्वी आपण आपल्या मालकाकडे जावं. शेपूट हलविण्यापूर्वी विचारावं की तुम्ही ओबीसी आणि मराठ्यांना का छेळतात आहे. भाजप नेते अनिल बोंडेंची राष्ट्रवादी आमदार अमोल मिटकरी यांच्यावर जोरदार टीका केली.
अमरावती : भाजप नेते अनिल बोंडे यांनी राष्ट्रवादीचे नेते अमोल मिटकरी ( Amol Mitkari) यांच्यावर आज चांगलेच ताशेरे ओढले. अनिल बोंडे म्हणाले, अमोल मिटकारी हा बाजारभोंग्या आहे. या बाजरभोंग्याच्या सरदारानं म्हणजे शरद पवार (Sharad Pawar) यांनी मराठ्यांना, ओबीसींना फसविलं. हे सर्व मराठ्यांना समजलं. त्यामुळं अमोल मिटकरी हे देवेंद्र फडणवीस (Devendra Fadnavis) यांच्यावर चिखलफेक करण्याचा प्रयत्न करतात. राज्याचे आणि केंद्राचे आरक्षणाचे कायदे अलग आहेत. राज्याच्या सूचीत मराठ्यांना आरक्षण मिळावं, म्हणून माजी मुख्यमंत्री फडणवीस यांनी यासाठी गायकवाड समिती नेमली. 32 टक्के मराठा समाज आहे. म्हणून 16 टक्क्यांचं आरक्षण दिलं. ते आरक्षण ओबीसींना धक्का न लावता दिलं. हे हायकोर्टात टिकून दाखवलं.
शरद पवारांना ओबीसींना आरक्षण द्यायचं नाही
राज्य सरकारनं सर्वोच्च न्यायालयात तयारी केली नाही. मराठ्यांचं आरक्षण घालवलं. हे पाप यांच्या मालकांचं आहे. शरद पवारांचं आहे. हे अक्षम्य आहे. इम्पेरिकल डाटा जमा करा, ट्रीपल टेस्ट करा, मागासवर्गीय आयोग नेमा असं देवेंद्र फडणवीस सांगत होते. तेव्हा हे केंद्र सरकारकंड बोट दाखवत होते. आता बांठिया आयोग नेमला. आता म्हणतात. ट्रीपल टेस्ट करू. हा सर्व तुमचा नालायकपणा आहे. जाणीवपूर्वपण मराठ्यांना शरद पवार यांना ओबीसींना आरक्षण द्यायचं नाही. तुमच्यात दम असेल, तर तुम्ही आरक्षण वाचवा. शिवराज चव्हाण यांनी ओबीसींचं आरक्षण वाचवलं. मग, तुम्ही ते का वाचवू शकत नाही, असा सवालही अनिल बोंडे यांनी केला.
शेपूट हलविण्याआधी विचारावं का छळता
अमोल मिटकरी हे बाजारभोंगा आहेत. या बाजारभोंग्याच्या त्यांनी दुसऱ्यावर टीका करण्यापूर्वी आपण आपल्या मालकाकडे जावं. शेपूट हलविण्यापूर्वी विचारावं की तुम्ही ओबीसी आणि मराठ्यांना का छेळतात आहे. भाजप नेते अनिल बोंडेंची राष्ट्रवादी आमदार अमोल मिटकरी यांच्यावर जोरदार टीका केली. त्यामुळं अमोल मिटकरी यांनी देवेंद्र फडणवीस यांच्यावर चिखलफेक करण्यापेक्षा आपल्या मालकाकडं जावं. शेपूट हालविण्यापूर्वी विचारावं तुम्ही ओबीसी आणि मराठ्यांना का छळता, हे शरद पवारांना विचारावं, अशी टीका अनिल बोंडे यांनी अमोल मिटकरी यांच्यावर केली.
