AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

घरी वडिलांचे पार्थिव, तरी लेकीने धैर्याने सोडवला बारावीचा पेपर, विद्यार्थिनीचं दु:ख पाहून अनेकांना कोसळलं रडू!

वडिलांचा मृत्यू झालेला असताना एका विद्यार्थिनीने जड अंत:करणाने इयत्ता बारावीचा इंग्रजीचा पेपर दिला आहे. वडिलांचे स्वप्न साकार करण्यासाठी ती परीक्षा केंद्रात पेपर देत होती.

घरी वडिलांचे पार्थिव, तरी लेकीने धैर्याने सोडवला बारावीचा पेपर, विद्यार्थिनीचं दु:ख पाहून अनेकांना कोसळलं रडू!
hsc exam bhandara Image Credit source: tv9 marathi
| Updated on: Feb 11, 2026 | 9:39 PM
Share

HSC Exam : सध्या संपूर्ण राज्यात इयत्ता बारावीच्या परीक्षा चालू आहेत. या परीक्षांदरम्यान कोणताही गैरप्रकार घडू नये यासाठी प्रशासनाकडून खबरदारी घेतली जात आहे. इयत्ता बारावीची परीक्षा विद्यार्थ्यांसाठी खूपच महत्त्वाची असते. येथूनच विद्यार्थ्यांच्या करिअरला नवी दिशा मिळते. या काळात आई-वडिलांचा चांगला पाठिंबा असेल तर विद्यार्थी सकारात्मकतेने परीक्षेला सामोरे जातात आणि चांगले यश मिळवतात. सध्या मात्र भंडारा जिल्ह्यातील तुमसर येथे हृदय पिळवटून टाकणारा प्रकार समोर आला आहे. येथे वडिलांचे पार्थीव घराबाहेर पडलेले असताना एका विद्यार्थिनीने अश्रू आवरत इंग्रजी विषयाचा पेपर दिला आहे. शिक्षण थांबू नये म्हणून, वडिलांचे स्वप्न पूर्ण करायचे म्हणून घरावर शोककळा पसरलेली असताना या विद्यार्थिनीने इयत्ता बारावीचा पेपर दिला आहे.

वडील गेल्याचे दु:ख, मुलगी जड अंत: करणाने पेपरला

हदय हेलावून टाकणारी ही घटना भंडारा जिल्ह्यातील तुमसर तालुक्यातील आंबागड या गावातील आहे. वडिलांचा मृत्यू झालेला असताना पेपरला जाण्याची वेळ या विद्यार्थिनीवर आली आहे. या विद्यार्थिनीचे नाव जान्हवी हौशीलाल राहांगडाले असेआहे. सर्वात मोठं दु:ख झालेलं असतानाही अशा कठीण प्रसंगात या लेकीने अश्रूंना आवर घालत पेपर दिला आहे. हातात पेन घेऊन ती इंग्रजीचा पेपर लिहायला बसली. तिची ही कहाणी ऐकून अनेकांना अश्रब अनावर झाले आहेत.

वडिलांच्या डोक्याला झाली होती दुखापत

मिळालेल्या माहितीनुसार जान्हवीचे वडील हौशीलाल राहांगडाले (५१) सायकलने घरी परतत असताना अचानक तोल जाऊन खाली कोसळले. डोक्याला गंभीर दुखापत झाली आणि काही वेळातच त्यांचा दुर्दैवी मृत्यू झाला. क्षणात त्यांच्या कुटुंबीयांवर दु:खाचे आभाळ कोसळले. घरातील आधारवड हरपला. परंतु नियतीचा क्रूर खेळ इथेच थांबला नाही. दुसऱ्याच दिवशी जान्हवीचा बारावी बोर्ड परीक्षेचा पहिला पेपर होता. जान्हवी ही जनता विद्यालय व कनिष्ठ महाविद्यालय, तुमसर येथील विद्यार्थिनी आहे. आयुष्याच्या टर्निंग पॉइंटवर उभी असलेली ही मुलगी एका क्षणात पितृछत्र हरपून बसली. पण तरीदेखील वडिलांचे स्वप्न पूर्ण करण्यासाठी ती परीक्षा केंद्रात गेली आणि मामाच्या मुलासोबत पेपर दिला. तिच्या या जिद्दीला आता राज्यभरातून सलाम केला जात आहे.

Follow Us
'ते' मफलरमॅन फडणवीस? रोहित पवारांचा आरोप; थेट व्हिडीओच दाखवला
Rohit Pawar : 'ते' मफलरमॅन फडणवीस? रोहित पवारांचा आरोप; थेट व्हिडीओच दाखवला
अजितदादांच्या आठवणीने फडणवीस भावुक; अमित शाहांकडे केली मागणी...
अजितदादांच्या आठवणीने फडणवीस भावुक; चौकशी अहवालाबाबत अमित शाहांकडे केली मोठी मागणी!
गृहमंत्री शाहांकडून दादांचं भरभरुन कौतुक; सांगितला 'तो' किस्सा
Amit Shah Speech : गृहमंत्री शाहांकडून दादांचं भरभरुन कौतुक; सांगितला 'तो' किस्सा
अजित दादांनी राजकारणापलीकडे नातं जपण्याचं काम केलं; शिंदेंचं विधान
अजित दादांनी राजकारणापलीकडे नातं जपण्याचं काम केलं; एकनाथ शिंदे यांचं भावनिक विधान
पुण्यात अजितदादांच्या पुतळ्याचे अनावरण; सुनेत्रा पवार भावुक...
Sunetra Pawar : पुण्यात अजितदादांच्या पुतळ्याचे अनावरण; सुनेत्रा पवार भावुक
लातूर बँक निवडणुकीत धीरज देशमुखांचा दबदबा! 19 पैकी 19 जागांचा निकाल पह
लातूर बँक निवडणुकीत धीरज देशमुखांचा दबदबा! 19 पैकी 19 जागांचा निकाल पहा...
मुलगी नताशाच्या वक्तव्यावर जितेंद्र आव्हाड ठाम भूमिका; शरद पवारांचा...
मुलगी नताशाच्या वक्तव्यावर जितेंद्र आव्हाड ठाम भूमिका; शरद पवारांचा उल्लेख करत म्हणाले...
बिनविरोध निवडीचा मान कायम! जय शाह पुन्हा सांभाळणार आयसीसीची धुरा
Jay Shah : बिनविरोध निवडीचा मान कायम! जय शाह पुन्हा सांभाळणार आयसीसीची धुरा
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई गँगशी कनेक्शन उघड
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह...
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह अनेक नेत्यांची उपस्थिती!