Maharashtra Election News LIVE : उमेदवारी अर्ज भरण्यासाठी फक्त काही तास शिल्लक, डेडलाईन काय?

पुण्यात मध्यरात्री राजकीय भूकंप, एबी फॉर्म परत मागवले

पुणे महानगरपालिका निवडणुकीच्या उमेदवारी अर्ज भरण्याच्या शेवटच्या टप्प्यात शिवसेनेमध्ये मोठे राजकीय नाट्य पाहायला मिळाले. काल दिवसभरात पुण्यातील ६० हून अधिक इच्छुकांना शिवसेनेकडून एबी फॉर्मचे वाटप करण्यात आले होते, ज्यामुळे सेना स्वबळावर लढणार अशा चर्चांना उधाण आले होते. मात्र, रात्री उशिरा मुंबईतून वरिष्ठांचा युतीचा निरोप आल्याने हे सर्व फॉर्म्स तातडीने माघारी घेण्याचे आदेश देण्यात आले आहेत. यामुळे आता पुणे महापालिकेत शिवसेना आणि भाजप पुन्हा युती करूनच रिंगणात उतरणार असल्याचे स्पष्ट झाले आहे.

अजित पवार निवडणूक लढवणार, पिंपरी-चिंचवडमधून भरला उमेदवारी अर्ज

पिंपरी-चिंचवड महानगरपालिकेच्या निवडणुकीत अजित पवार निवडणूक लढवणार असल्याचे समोर आल्याने राजकीय वर्तुळात सर्वांच्या भुवया उंचावल्या आहेत. मात्र, हे उपमुख्यमंत्री अजित पवार नसून प्रभाग क्रमांक २५ (ड) मधून अजित पोपट पवार यांनी आपला उमेदवारी अर्ज दाखल केला आहे. विशेष म्हणजे त्यांनी राष्ट्रवादी काँग्रेस पक्षाच्या घड्याळ चिन्हावर हा अर्ज भरला असून, त्यांना पक्षाचा अधिकृत ‘एबी फॉर्म’ मिळाल्यास ते महायुतीचे अधिकृत उमेदवार असू शकतात. राष्ट्रवादीचे अध्यक्ष अजित पवार आणि उमेदवार अजित पवार यांच्या नावातील साधर्म्यामुळे सध्या संपूर्ण शहरात अजित पवार पिंपरीची निवडणूक लढणार अशी जोरदार चर्चा रंगली आहे.

छत्रपती संभाजीनगरमध्ये शिवसेनेत बंडाचे वारे, माजी महापौर विकास जैन यांची निवडणुकीतून माघार

छत्रपती संभाजीनगर शहरातील शिवसेनेत सध्या अंतर्गत राजकीय नाट्य आणि नाराजीचा मोठा उद्रेक पाहायला मिळत आहे. काल शिवसेना जिल्हाप्रमुख राजेंद्र जंजाळ यांनी आपल्या समर्थकांसह संजय शिरसाट यांच्या बंगल्यावर भेट दिल्यानंतर पक्षांतर्गत वाद चव्हाट्यावर आला आहे. या घडामोडींमुळे व्यथित होऊन माजी महापौर विकास जैन यांनी आगामी निवडणूक न लढवण्याचा मोठा निर्णय घेतला आहे. सध्या पक्षात शिस्त राहिलेली नाही. ही सुरू असलेली पद्धत आपल्याला मान्य नसल्याची तीव्र भावना जैन यांनी व्यक्त केली आहे. त्यांच्या या भूमिकेमुळे राजकीय वर्तुळात मोठी खळबळ उडाली आहे.

मंत्री उदय सामंत काही वेळात बैठकीच्या ठिकाणी पोहचणार

मंत्री उदय सामंत काही वेळात बैठकीच्या ठिकाणी पोहचणार. मंत्री उदय सामंत येण्यापूर्वी शिवसैनिकांनी केली मोठी गर्दी.. पुण्यातील हॉटेलमध्ये पार पडणार शिवसेनेची बैठक… बैठकीला शिवसेनेचे शहर प्रमुख नाना भानगिरे आले आहेत..

धुळे महानगरपालिकेत 75 जणांनी दाखल केले अर्ज दाखल

1992 अर्जाची झाली विक्री.. भाजपातर्फे चार जणांनी दाखल केले अर्ज. या दोन माजी नगरसेवकांचा समावेश.अद्यापही भाजपा तर्फे अंतिम यादी जाहीर न झाल्याने संभ्रम. अनेक आजी-माजी नगरसेवक आणि माजी महापौरांचा पत्ता कट. शेवटच्या क्षणाला काही उमेदवारांना भाजप एबी फॉर्म देऊन उमेदवारी देण्याच्या तयारी..

नांदेडमध्ये शिवसेना – भाजपा युतीची आशा मावळली, भाजपाचा स्वबळाचा नारा

शिंदे शिवसेना व दादाची राष्ट्रवादी नांदेड महानगरपालिकेसाठी दहा प्रभाग एकत्र लढण्याची तयारी. युतीवरून शिंदे गटात फूट, दोन आमदार राष्ट्रवादी सोबत तर एक आमदार स्वतंत्र उमेदवार देणार. दादाच्या राष्ट्रवादीचे आमदार प्रताप पाटील चिखलीकर, शिंदे गटाचे आमदार हेमंत पाटील व आमदार आनंद पाटील बोंढारकर यांचे मनोमिलन तर शिंदे गटाचे नांदेड उत्तरचे मतदारसंघाचे आमदार बालाजी कल्याणकर दहा प्रभागात स्वतंत्र उमेदवार देणार असल्याची माहिती

आजपासून त्रंबकेश्वर मंदिर पहाटे चार वाजेपासून राहणार खुले

04 जानेवारी पर्यंत मंदिराच्या वेळेत बदल. नवीन वर्षाच्या स्वागतासाठी लाखो भाविक त्रंबकेश्वर मध्ये दाखल. भाविकांची गर्दी लक्षात घेता त्र्यंबकेश्वर देवस्थानचा निर्णय. नाताळ व नवीन वर्षाच्या गर्दीच्या पार्श्वभूमीवर निर्णय. विश्वस्त पुरुषोत्तम कडलग यांची माहिती

शरद पवारांचे राष्ट्रवादी 40 प्रभागात प्रत्येकी एक उमेदवार देणार

दोन्ही राष्ट्रवादी एकत्र लढत असल्याने अजित पवारांची राष्ट्रवादी 125 शरद पवारांची 40 जागा लढणार. पॅनल निवडून येण्यास सोपे जाण्यासाठी अजित पवारांचे तीन उमेदवार आणि राष्ट्रवादी शरद पवारांचा एक उमेदवार प्रत्येक प्रभागात असणार. राजकीय अस्तितव टिकवण्यासाठी प्रत्येक प्रभागात आपला अस्तित्व टिकवण्यासाठी शरद पवारांचे राष्ट्रवादीची रणनीती..

भाजप आणि राष्ट्रवादी अजित पवार गटाची युती साठी सुरू असलेली बोलणी फिस्कटली…

चंद्रपूर महानगरपालिकेसाठी भाजप आणि राष्ट्रवादी अजित पवार गटाची युती साठी सुरू असलेली बोलणी फिस्कटली.  राष्ट्रवादी काँग्रेस 40 जागांवर देणार उमेदवार तर दुसरीकडे भाजप आणि शिवसेना शिंदे गट यांच्यातील युती निश्चित, भाजप चंद्रपूर महानगरपालिकेत 66 पैकी 58 जागांवर निवडणूक लढणार तर शिवसेना शिंदे गटाला मिळाल्या 8 जागा, मात्र भाजपकडून उमेदवारांची यादी जाहीर न करता उमेदवारांना झोन कार्यालयात निवडणूक अर्ज भरण्यासाठी बोलवणार आणि त्याच ठिकाणी एबी फॉर्म मंडळ अध्यक्ष नेऊन देणार

पालिका निवडणुकांच्या पार्श्वभूमीवर उपमुख्यमंत्री एकनाथ शिंदे यांनी घेतला मोठा निर्णय

पालिका निवडणुकांच्या पार्श्वभूमीवर उपमुख्यमंत्री एकनाथ शिंदे यांनी मोठा निर्णय घेतला. कलम 17 कायमचं रद्द करण्यात आल्याचा निर्णय घेण्यात आला. याआधी कलम 17 नुसार, वांगणी-शेलु इथं सरकारने दिलेली घरं जर कामगाराने नाकारली, तर त्याला पुढे कधीही घर मिळण्याचा हक्क संपायचा. आता हा नियम पूर्णपणे रद्द करण्यात आला आहे. यामुळे कामगारांना आवडेल ती जागा निवडण्याची आणि घर मिळवण्याची संधी कायम राहील.

सुधारित शासन निर्णय मुंबईतील लाखो गिरणी कामगारांसाठी खूप महत्त्वाचा ठरणार आहे. आता कामगारांना मुंबई शहरातच हक्काची घरे मिळतील. मुंबईत गिरणी कामगारांची मते निर्णायक आहेत.

डोंबिवलीत निवडणूक उमेदवारी अर्ज भरण्याच्या पार्श्वभूमीवर वाहतुकीत मोठा बदल

डोंबिवलीत निवडणूक उमेदवारी अर्ज भरण्याच्या पार्श्वभूमीवर वाहतुकीत मोठा बदल करण्यात आला आहे. फडके रोड ,एच प्रभाग आणि पूर्वेतील जी आणि एफ प्रभागसह निवडणूक कार्यालयांजवळील रस्ते सकाळी 9 ते सायंकाळी 4 पर्यंत बंद राहतील. केडीएमसी निवडणूक पार्श्वभूमीवर डोंबिवलीतील प्रभाग कार्यालयांजवळ वाहतुकीवर निर्बंध आहे. आज सकाळी ९ ते दुपारी ४ वाहतूक पर्यायी मार्गाने वळविण्यात येणार आहे.

डोंबिवली पश्चिमेतील एच प्रभाग आणि पूर्वेतील जी आणि एफ प्रभाग कार्यालय परिसर प्रभावित आहे. उमेदवारी अर्ज दाखल करण्यासाठी होणारी गर्दी टाळण्यासाठी वाहतूक व्यवस्थेत बदल करण्यात आला. ठाकुर्ली–फडके रोड–गणेश मंदिर मार्गावर काही प्रवेश पूर्णपणे बंद तर पी. पी. चेंबर्स, सुनीलनगर, उमेशनगर परिसरात प्रवेशबंदी आणि पर्यायी रस्ते सुरू राहणार आहेत. विशेष म्हणजे काही ठिकाणी 31 डिसेंबर रात्री १० वाजेपर्यंत वाहतूक बदल लागू राहणार असल्याची माहिती वाहतूक पोलिसांनी दिली आहे.

पुणे- दोन्ही राष्ट्रवादी एकत्र निवडणूक लढवणार

पुणे- दोन्ही राष्ट्रवादी एकत्र निवडणूक लढवणार आहेत. राष्ट्रवादी अजित पवार पक्ष 125 जागांवर तर 40 जागांवर राष्ट्रवादी शरद पवार पक्ष लढणार आहे. जिजाई बंगल्यावरती उमेदवारांना एबी फॉर्मचे वाटप सुरू आहे.

छत्रपती संभाजीनगरचे माजी महापौर विकास जैन नाराज

छत्रपती संभाजीनगरचे माजी महापौर विकास जैन नाराज असल्याची माहिती आहे. निवडणूक लढवणार नसल्याची खात्रीलायक माहिती समोर येत आहे. एकूणच घडत असलेल्या शिवसेना पक्षातील घडामोडीवर नाराज असल्याचं कळतंय. विकास जैन 2001-2002 मध्ये शिवसेनेचे महापौर होते. काल जागा वाटपावरून संजय शिरसाट यांच्यावर शिवसेना जिल्हाप्रमुख राजेंद्र जंजाळ यांनी व्यक्त नाराजी केली होती.

मुंबईत आज हवेचा गुणवत्ता निर्देशांक १२९ वर

देशाच्या आर्थिक राजधानी मुंबईत आज हवेचा गुणवत्ता निर्देशांक १२९ वर आहे. घाटकोपर आणि वांद्रे इथे एक्युआय १५७ पर्यंत पोहोचलाय. त्यासोबतच बोरीवली, चकाला , चेंबूर, देवनार, मालाड, दादार आणि कुलाबा यांसारख्या ठिकाणी प्रदूषण जास्त आहे. लहान मुले आणि वयोवृद्धांना याचा फटका बसतोय.

मलकापूरचे काँग्रेस पक्षाचे नवनियुक्त नगराध्यक्ष अतीक जवारीवाला यांच्यावर गुन्हा दाखल

मलकापूरचे काँग्रेस पक्षाचे नवनियुक्त नगराध्यक्ष अतीक जवारीवाला यांच्यावर गुन्हा दाखल करण्यात आला. नगराध्यक्षपदी निवडून आल्यानंतर काढण्यात आलेल्या जल्लोष रॅलीत नोटा उधळल्याने अतिक जवारीवाला यांच्यावर निवडणूक आचारसंहितेचे उल्लंघन केल्याप्रकरणी मलकापूर शहर पोलिसात गुन्हा दाखल करण्यात आला.

मुंबई महापालिका निवडणुकीत शिवसेनेला मोठा धक्का

मुंबई महापालिका निवडणुकीत शिवसेनेला मोठा धक्का बसला आहे. शिवसेना विभाग क्रमांक 2 चे विभागप्रमुख लालसिंह राजपुरोहित यांनी शिवसेनेतून राजीनामा दिला. शिवसेना विभागप्रमुख लालसिंग राजपुरोहित यांनी काँग्रेसमध्ये पक्षप्रवेश केला. लालसिंह राजपुरोहित यांनी त्यांची पत्नी भाग्यलक्ष्मी यांना वॉर्ड क्रमांक 31 मधून काँग्रेसची उमेदवारी दिली. लालसिंह राजपुरोहित हे शिवसेनेचे विभागप्रमुख होते, पण मुंबई महानगरपालिका निवडणुकीपूर्वी ते काँग्रेसमध्ये सामील झाले.