मोठी बातमी! मनोज जरांगे पाटलांच्या समर्थकांवर अखेर गुन्हा दाखल, अडचणी वाढणार
मोठी बातमी समोर येत आहे. मनोज जरांगे पाटील यांच्या दहा ते आकरा समर्थकांवर गुन्हा दाखल करण्यात आला आहे. गुन्हा दाखल झाल्यामुळे आता अडचणीत वाढ होण्याची शक्यता आहे.
मोठी बातमी समोर येत आहे. मनोज जरांगे पाटील यांच्या आंदोलनात सक्रिय असलेल्या महिला आंदोलक ललिता तारख यांनी मनोज जरांगे पाटील यांच्यावर काही गंभीर आरोप केले होते. त्यानंतर ललिता तारख यांना सोशल मीडियावर ट्रोल करण्यात आलं होतं. या प्रकरणात त्यांनी दोनदा पोलीस ठाण्यात तक्रार दाखल केली होती. अखेर या प्रकरणात आता ट्रोल करणाऱ्या मनोज जरांगे पाटील यांच्या दहा ते आकरा समर्थकांवर गुन्हा दाखल करण्यात आला आहे. मनोज जरांगे पाटील यांनी मराठा आरक्षणावरून पुन्हा एकदा आक्रमक भूमिका घेतली, त्यांनी पुन्हा एकदा अंतरवाली सराटीमध्ये उपोषणाला सुरुवात केली, मात्र मनोज जरांगे पाटील यांच्या मागण्यांवर तोडगा न निघाल्याने अखेर त्यांनी मुंबईत जाऊन आंदोलन करणार असल्याची घोषणा केली होती. परंतु वाटेतच त्यांनी आपलं आंदोलन मागे घेतलं.
मनोज जरांगे पाटील यांनी आंदोलन स्थगित केल्याची घोषणा केल्यानंतर मनोज जरांगे पाटील यांच्या आंदोलनात सक्रिय असलेल्या ललिता तारख यांनी मनोज जरांगे पाटील यांच्यावर काही आरोप केले होते. त्यानंतर वातावरण चांगलंच तापलं. ललिता तारख यांना सोशल मीडियावर प्रचंड ट्रोल करण्यात आलं. या प्रकरणात ललिता तारख यांनी पोलीस स्टेशनला धाव घेतली होती. त्यांनी दोनदा तक्रार दाखल केली. त्यानंतर आता या प्रकरणाची पोलिसांनी दखल घेतली असून, दहा ते बारा जणांवर गुन्हे दाखल करण्यात आल्याची माहिती समोर आली आहे.
10 ते 11 जणांवर धमकी तसेच, महिलेवर अश्लील आरोप करून ते सोशल मीडियावर व्हायरल केल्याप्रकरणी गुन्हे दाखल करण्यात आले आहेत. जरांगे यांच्या आंदोलनातील सक्रिय महिला आंदोलक ललिता तारख यांच्या तक्रारीवरून अंबड पोलीस ठाण्यात गुन्हे दाखल करण्यात आले आहेत. ललिता तारख यांनी यापूर्वी 2 वेळेस पोलीस ठाण्यामध्ये तक्रार करून कायदेशीर कारवाई करण्याची मागणी केली होती, त्यानुसार आता 5 जणांसह इतर अज्ञात 5 ते 6 जणांवर गुन्हा दाखल करण्यात आला आहे. गुन्हे दाखल झालेले काही जण फेसबुक, युट्यूब आणि इन्स्टाग्राम चॅनलचा वापर करतात. तर काही जण कमेंट करणारे समर्थक असल्याची माहिती समोर आली आहे.
गुन्हे दाखल झालेल्या समर्थकांची नावे
1. भगवानराव जाधव 2. D A उंबरे पाटील 3. बीबीशन लिंबाजी नन्नावरे 4. बळीराम मोरे 5. संतोष पाटील राहटिकर
तर अन्य पाच ते सहा अज्ञात समर्थकांवर देखील गुन्हे दाखल करण्यात आले आहेत.
