8 महिलांचे 35 Video, खरातच्या जवळच्या व्यक्तीनेच गेम केला, फडणवीसांनी थेट नाव घेत…

नाशिकच्या स्वयंघोषित ज्योतिषी आणि ‘कॅप्टन’ म्हणून ओळखल्या जाणाऱ्या अशोक खरात यांच्या लैंगिक शोषण, बलात्कार आणि इतर गंभीर आरोपांच्या प्रकरणात विशेष तपास पथक (SIT) ने तपासाला वेग दिला आहे. आता राज्याचे मुख्यमंत्री देवेंद्र फडणवीस यांनी या प्रकरणाबाबत सर्व माहिती दिली आहे. त्यांनी सांगितले की, ‘एकूण ८ महिलांचे ३५ व्हिडीओ समोर आले. सदर व्हिडीओत अशोक खरातने भोंदूगिरी आणि तंत्रमंत्र करून अनेक महिलांशी बलात्कार आणि अश्लील चाळे केल्याचे दिसले.’ तसेच हे व्हिडीओ खरातच्या जवळच्या व्यक्तीने देऊन गेम केल्याचे सांगितले.

देवेंद्र फडणवीस म्हणाले, व्हॉट्सअप अॅप्लिकेशनवर फिर्यादी आणि एका महिलेचे फोटो प्रसारीत करून हे फोटो सोशल मीडियात व्हायरल करण्याची धमकी दिली. पाच कोटीची खंडणी मागितली. दिनेश परब याला राजेंद्र जासूदने फोटो दिल्याची तक्रार दिली होती. वावी पोलीस ठाण्यात गुन्हा दाखल करण्यात आला होता. या गुन्ह्याचा प्राथमिक तपास नाशिक ग्रामीण गुन्हे शाखेने केला. अशोक खरातचा मोबाईल सायबरला दिला. त्यात काही सापडलं नाही. चॅटमध्ये काही मिळालं नाही. राजेंद्र जासूद आणि दिनेश परबला अटकपूर्व जामीन मिळाला आहे. नीरज जाधवच्या सहभागाबाबत तपासात आरोप आढळला नाही. त्याच्या सहभागाचा तपास सुरू आहे.

पुढे ते म्हणाले, १८ फेब्रुवारी रोजी शिर्डीत एका महिलेने तक्रार दिली. नीरज जाधवने तिचा एआय जनरेटेड अश्लील फोटो पाठवला आणि लगेच डीलिट केला. त्यानुसार नीरज जाधव विरोधात गुन्हा दाखल केला. त्या महिलेने तिचा मोबाईल तपासायला दिला नाही. कोणत्या नंबरवरून फोटो आला हे ही सांगता आलं नाही.

लूकआऊट नोटीस काढली

शेवटी व्हिडीओबाबत बोलताना ते म्हणाले, एकूण ८ महिलांचे ३५ व्हिडीओ समोर आले. सदर व्हिडीओत अशोक खरातने भोंदूगिरी आणि तंत्रमंत्र करून अनेक महिलांशी बलात्कार आणि अश्लील चाळे केल्याचे दिसले. ज्या साक्षीदाराने व्हिडीओ दाखवले त्याला अशोक खरातकडून जीवाला धोका होता. तो व्हिडीओ द्यायला तयार नव्हता. तसेच कागदपत्री हमी द्यायलाही तयार नव्हती. पोलिसांनी कुशलतेने त्याच्याकडून व्हिडीओ घेतले. अशोक खरात परदेशात पळून जाण्याची शक्यता होती. त्यामुळे पोलिसांनी लूकआऊट नोटीस काढली.