महाडमधील कॉलेजात प्राध्यापकांच्या दोन गटात राडा, विटा-दगडांची फेकाफेक, सहा जखमी
प्राचार्यपदाच्या वादातून चर्चेत असलेल्या डॉ. बाबासाहेब आंबेडकर कॉलेजमध्ये आज (गुरुवारी) सकाळी राडा झाला.
रायगड : कॉलेजमध्ये विद्यार्थ्यांच्या दोन गटांमध्ये होणारी राडेबाजी आपल्याला नवीन नाही. मात्र महाडमध्ये चक्क प्राध्यापकांचे दोन गट महाविद्यालयातच एकमेकांना भिडल्याची धक्कादायक घटना उघडकीस आली आहे. महाडच्या डॉ. बाबासाहेब आंबेडकर कॉलेजमध्ये हा प्रकार (Mahad College Professors Ruckus) घडला.
प्राचार्यपदाच्या वादातून चर्चेत असलेल्या डॉ. बाबासाहेब आंबेडकर कॉलेजमध्ये आज (गुरुवारी) सकाळी राडा झाला. प्राध्यापकांच्या दोन गटात झालेल्या हमरीतुमरीचं रुपांतर थेट हाणामारीमध्ये झालं. हाणामारीनंतर एकमेकांवर दांडके, विटा, दगड यांचीही फेकाफेक करण्यात आली.
महाविद्यालयात रंगलेल्या या राड्यामध्ये एकूण सहा जण जखमी झाले आहेत. यामध्ये स्वतः कॉलेजचे प्राचार्य सांगणारे सुरेश आठवले आणि धनाजी गुरव यांचाही समावेश आहे. तर महेंद्र घारे याला गंभीर दुखापत झाली असून त्याला उपचारासाठी मुंबईला हलवण्यात आले आहे.
हेही वाचा : सासूच्या निधनानंतर सूनेचाही अखेरचा श्वास, नातीच्या लग्नाआधी काळाचा घाला
प्राध्यापकांमध्ये रंगलेली हाणामारी पाहून विद्यार्थीही अवाक झाले. या राड्यामध्ये कॉलेजमधील खुर्च्या, दरवाजे, फलक यांचं मोठया प्रमाणात नुकसान (Mahad College Professors Ruckus) झालं आहे.