Gokul Sangharsh Morcha : विवेकानंद पाटील भाजपच्या ‘या’ दिग्गज मंत्र्याविरोधात लढवू शकतो निवडणूक, जाहीर सभेतून दिले संकेत

Vivekanand Patil Gokul Morcha: कोल्हापुरात गोकुळ दूध संघावरील शासन नियुक्त निवडीविरोधात वातावरण आता चांगलेच तापले आहेत. कोल्हापूरात गोकुळच्या प्रकरणावरुन सतेज पाटील यांचा संघर्ष मोर्चा सुरु आहे. दसरा चौकात हा मोर्चात सुरु आहे. या मोर्चाला आता विवेकानंद पाटील यांनी ही हजेरी लावली आहे. यावेळी त्यांनी भाषण केले आणि सरकारला चांगलेच धारेवर धरले आहे.

विवेकानंद पाटील म्हणाले की, “२९ला मत मागितलेल्यांना हात दाखवा, लाथ दाखवली तरी चालेल. गोकुळच्या मोर्चात येत असताना मी ना राष्ट्रवादीचा माणूस, ना काँग्रेस, ना शिवसेनेचा, ना स्वाभिमानीचा, मी फक्त इथे शेती करणाऱ्या शेतकऱ्याचा मुलगा म्हणून आलोय. मागील १० ते १५ दिवस गोकुळमध्ये काय खेळ सुरु आहे? ते आपण सगळ्यांनी पाहिल आहे.  आमच्याकडे एक गाण आहे गोकुळात नंदा घरी कृष्णा वाढतो आणि मथुरेत कंसमामा बोट मोडीतो, पण काळ आता बदलला आहे. गोकुळात नंदा घरी कृष्णा वाढवितो, आणि मंत्रालयात कंसमामा बोट मोडितो. अशी अवस्था आमच्यावाटेला आली आहे. गोकुळचे संचालक आहेत किती? २५ संचालक या गोकुळाने कोल्हापूरला दिल्या आहेत. या २५ मध्ये बंटी पाटील यांच्या नेतृत्त्वाखाली आघाडी लढली आणि त्यांना १३ जागा मिळाली, आणि विरोधकांना १२ मिळाल्या. जर कोल्हापूरने बंटी पाटील यांना बहुमत दिलंय तर तिथला चेअरमॅन हा त्यांच्याच बहुमताचा बसला पाहिजे.”

पुढे ते म्हणाले की” मुख्यमंत्रीसाहेब म्हणाले की, कोल्हापूरचा गोकुळ हा फक्त एका जिल्हापुरती आहे. आम्हाला राज्यातील राजकर्त्यांना यात काही रस नाही, पण फडणवीस साहेब तुम्हालाही सांगतो, गोकुळची सत्ता तुम्हाला मिळावी म्हणून आमच्यासुद्धा म्हशी पळत नाही, अरे आमची म्हश पळते कारण आमच्या धन्या दूध मिळावं म्हणून, पण आमच्या दुधाचे लोणी काढायचे काम जर हे स्वीकृत म्हणून नामनिर्देशित, आम्हाला गोकुळसाठी चोरमॅन नकोय तर चेअरमॅन हवाय. पोडीचं दूध कसं खातोय शहारातील गोडी शहरामधला सर, नाजूक मॅडम साजूक तुपाची सोडतीये धार. या षडयंत्रामागे एक कोल्हापूरातील नाकारलेला एक मंत्री आहे, आणि ते कोल्हापूरात नसतात. ते सध्या पुण्यात राहतात.”