IMD Update : दहीहंडी उत्सवाच्या दिवशी अस्मानी संकट, मुसळधार पाऊस कोसळणार; राज्यात कुठे-कुठे पाऊस पडणार?
दहीहंडी उत्सवाच्या दिवशी अस्मानी संकट असणार आहे. तर पुढील दोन दिवस मुंबईत मुसळधार पाऊस कोसळण्याची शक्यता आहे.
गेल्या काही दिवसांपासून राज्यातील विविध भागात पावसाचा जोर ओसरला आहे. राज्यातील विविध भागातील शेतकरी बांधव पावसाच्या प्रतिक्षेत आहेत. जुलै महिन्यात जोरदार पाऊस बरसल्याचे दिसून आले. परंतु ऑगस्ट महिन्यात फारसा पाऊस पडला नाही. त्यात दहीहंडी उत्सव एका दिवसांवर येऊन ठेपला आहे. या दहीहंडी उत्सवाच्या दिवशी अस्मानी संकट येऊन ठेपलं आहे. हवामान विभागाने मुंबईसह राज्यातील काही भागात मुसळधार पावसाचा इशारा देण्यात आला आहे. त्यामुळे पावसाच्या प्रतिक्षेत असणाऱ्या नागरिकांना मोठा दिलासा मिळण्याची शक्यता आहे.
मिळालेल्या माहितीनुसार, हवामान विभागाने मुंबईत पुन्हा मुसळधार पावसाचा इशारा देण्यात आला आहे. मुंबईसह उत्तर कोकणातील काही भागांमध्ये ५ सप्टेंबरपर्यंत पावसाची शक्यता व्यक्त करण्यात आली आहे. जुलै महिन्यात मुंबईत मुसळधार पावसाने हजेरी लावली होती. मात्र, ऑगस्टमध्ये पावसाचा जोर मोठ्या प्रमाणात कमी झालाय. त्यामुळे हवामान ढगाळ आणि दमट राहिलं आहे. मात्र अपेक्षेप्रमाणे पाऊस झाला नाही. मात्र आता मुंबईत काही दिवसांच्या विश्रांतीनंतर पुढच्या आठवड्यात पुन्हा पावसाचा जोर वाढण्याची शक्यता व्यक्त होत आहे. शहर आणि उपनगरात ढगाळ वातावरणासह पावसाची हजेरी लागण्याची शक्यता आहे. अचानक हवामान बदलल्याने नागरिकांना सतर्क राहण्याचे आवाहन करण्यात आलं आहे. रस्ते, रेल्वे आणि वाहतुकीवर पावसाचा परिणाम होण्याची शक्यता आहे.
आज कुठे पाऊस पडणार?
राज्यात आज पावसाचा जोर कमी राहण्याची शक्यता आहे. धुळे, गडचिरोली, चंद्रपूर आणि गोंदिया विदर्भातल तीन जिल्हायंना हवामान विभागाने यलो अलर्ट जारी केला आहे. तर नंदूरबार, जळगाव, नाशिक, संभाजीनगर, परभणी, सोलापूर, जालना आणि सांगलीत तुरळक पावसाची शक्यता व्यक्त करण्यात आली आहे. परंतु मध्य महाराष्ट्रात पावसाची शक्यता नसल्याचा अंदाज हवामान विभागाने वर्तवला आहे. तर उद्या म्हणजे 5 सप्टेंबर रोजी नाशिक, नंदूरबार, नांदेड, धुळे या जिल्ह्यात रिमझिम पावसाची शक्यता आहे. हे जिल्ह्याशिवाय इतर भागाकत पावसाचा कोणताही अलर्ट देण्यात आलेला नाही. तसेच सप्टेंबरच्या पहिल्या आठवड्यात राज्यात पाऊस हा सरासरीपेक्षा कमी राहण्याची शक्यता आहे. दुसर्या आठवडा म्हणजे 10 सप्टेंबर ते 17 सप्टेंबर रोजी विदर्भात सर्वाधिक पावसाची शक्यता आहे. परंतु उर्वरित महाराष्ट्रात पाऊस हा मध्यम ते सामान्य राहण्याची शक्यता आहे.
