इंदोरीकर महाराजांच्या मुलीचा शाही विवाहसोहळा, डोळे दिपवणारा रुखवत, वस्तूंची यादी वाचून थक्क व्हाल
आज इंदोरीकर महाराज यांच्या मुलीचा शाही लग्नसोहळा पार पडत आहे. तब्बल 100 एकरच्या भव्य परिसरात लग्नासाठी आलेल्या पाहुण्यांची बसण्याची व्यवस्था करण्यात आली आहे. या लग्न सोहळ्यातील रुखवत देखील आकर्षक बनवण्यात आला आहे.
प्रसिद्ध कीर्तनकार इंदोरीकर महाराज यांची मुलगी ज्ञानेश्वरी देशमुख आणि साहिल चिलप यांचा विवाहसोहळा आज पार पडत आहे. हा विवाहसोहळा सध्या राज्यभरात चर्चेचा विषय ठरला आहे. तब्बल 100 एकराच्या परिसरात या भव्य-दिव्य विवाह सोहळ्याचे आयोजन करण्यात आले आहे. या विवाह सोहळ्याला राजकीय, सामाजिक अशा सर्वच क्षेत्रातील दिग्गज लोकं उपस्थित राहणार आहेत. दरम्यान यापूर्वी इंदोरीकर महाराज यांनी आपली मुलगी ज्ञानेश्वरी देशमुख यांच्या साखरपुड्यावरही मोठा खर्च केला होता, यावरून महाराजांवर मोठी टीका झाली. त्यानंतर आता हे लग्न देखील चांगलंच चर्चेत आलं आहे. इंदोरीकर महाराज हे आपल्या किर्तनातून नेहमी लोकांना साधेपणानं लग्न करा असा सल्ला देतात, मग महाराजांनी आपल्या मुलीच्या लग्नावर एवढा खर्च कसा केला? असा सवाल काही जणांकडून उपस्थित करण्यात येत आहे.
दरम्यान इंदोरीकर महाराजांच्या मुलीचा शाही विवाहसोहळा पार पडत आहे. विवाहस्थळी भव्य रुखवताची मांडणी करण्यात आली आहे. रुखवतातील पारंपारिक देखाव्यांनी सर्वांच लक्ष वेधल आहे. ग्रामीण संस्कृतीची जिवंत झलक या रुखवताच्या माध्यमातून दाखवण्यात आली आहे. हे रुखवत लग्नासाठी आलेल्या पाहुण्यांसाठी खास आकर्षण ठरलं आहे. विवाह जमवण्यापासून ते लग्नाच्या सर्व विधींची सुंदर सांगड, या रुखवतामध्ये पहायला मिळत आहे. साखरपुडा, हळद, वऱ्हाडींचे स्वागत ते मुख्य विवाह सोहळा अशा प्रत्येक टप्प्यांचं सादरीकरण या रुखवतामध्ये करण्यात आलं आहे. पारंपारिक वस्तू, शेतीशी निगडीत देखावे, जुन्या संस्कृतीचं दर्शन, विविध गोडधोड पदार्थांची आकर्षक मांडणी या रुखवतामध्ये करण्यात आली आहे. महाराष्ट्रीयन परंपरा आणि आधुनिकतेचा सुंदर संगम, या रुखवतामध्ये पहायला मिळत आहे.
शाही व्यवस्थेमुळे लग्न सोहळा चर्चेत
सध्या राज्यभरात इंदोरीकर महाराजांच्या मुलीच्या या लग्न सोहळ्याची जोरदार चर्चा सुरू आहे. या लग्न सोहळ्यासाठी तब्बल 100 एकराच्या परिसरात लग्नासाठी आलेल्या पाहुण्यांची व्यवस्था करण्यात आली आहे. या लग्नसोहळ्याला मुख्यमंत्री देवेंद्र फडणवीस, उपमुख्यमंत्री एकनाथ शिंदे, मंत्री छगन भुजबळ यांच्यासह राजकीय आणि सामाजिक क्षेत्रातील अनेक दिग्गज मान्यवरांची उपस्थिती आहे. यापूर्वी आपल्या मुलीच्या साखर पुड्यात देखील महाराजांनी मोठा खर्च केला होता. या साखर पुड्याची देखील जोरदार चर्चा झाली होती.
