नाशिकमधल्या विमानसेवेला प्रोत्साहन देण्यासाठी उद्योजक आणि पर्यटनप्रेमी मैदानात

नाशिक : मोठं अग्निदिव्य पार करून नाशिकमधून नुकत्याच सुरु झालेल्या विमानसेवेला प्रोत्साहन देण्यासाठी, उद्योजक आणि पर्यटनप्रेमी आता मैदानात उतरले आहेत. नाशिकमधून उडणाऱ्या विमानांचं वेळापत्रक दर्शवणारे फलक शहरातील काही सामाजिक संस्थानी स्वखर्चाने लावायला सुरुवात केली आहे. त्यामुळे एकामेका सहाय्य करु, अवघे धरु सुपंथ ही ओवी नाशिकच्या विमानसेवेला सध्या लागू पडते आहे. (Initiative of Entrepreneurs and Tourism Lovers to Promote Airlines in Nashik)

शहराच्या प्रमुख रस्त्यावर नाशिकमधून उडणाऱ्या विमानांचे वेळापत्रक लावण्याची तयारी सध्या सुरु आहे. हे वेळापत्रकाचे फलक महापालिका किंवा विमान कंपन्यांकडून नाही तर शहरातील पर्यटन प्रेमी आणि उद्योजकांकडून स्वखर्चाने लावले जाणार आहेत. मोठ्या मुश्किलीने सुरु झालेली विमानसेवा नाशिकच्या कानाकोपऱ्यात पोहोचावी, यासाठी आता पर्यटनप्रेमी आणि उद्योजक मैदानात उतरले आहेत.

दुसरीकडे आता नाशिकच्या ओझर विमानतळावर नाईट हॉल्टला देखील HAL कडून परवानगी मिळाल्याने विमानांची वाहतूक वाढणार आहे. पर्यायाने नाशिक आता हैदराबाद, दिल्ली, मुंबई, पुणे, अहमदाबादला थेट जोडलं जाणार आहे.

खरं तर यापूर्वी देखील अनेक मोठ्या विमान कंपन्यांची सेवा नाशिकमधून सुरु करण्यात आली होती. मात्र कधी प्रशासनाचं दुर्लक्ष, कधी परवाग्या मिळत नसल्याने झालेला गोंधळ तर कधी प्रतिसाद मिळत नसल्याने कंपन्यांनी बंद केलेली सेवा अशा अनेक दिव्यातून नाशिकच्या विमान सेवेचा हा प्रवास झाला आहे. आता नाशिकवरुन सध्या मोठ्या शहरांना जोडणारी स्पाईस जेट, एअर इंडिया, ट्रू जेट, अलायन्स एअर अशा कंपन्यांच्या विमानसेवा सुरु झाल्या आहेत. त्यामुळे ही विमानसेवा टिकवण्यासाठी आणि आणखी वाढवण्यासाठी एकामेका साहाय्य करु अवघे धरू सुपंथ, असा प्रयोग सध्या नाशिकमध्ये सुरु आहे.

(Initiative of Entrepreneurs and Tourism Lovers to Promote Airlines in Nashik)

संबंधित बातम्या

नाशिकमधील हॉटेल देशात अव्वल, मुंबई विमानतळ भारतात सर्वोत्तम

विमान अपघातात नाशिकचे स्काॅर्डन लीडर शहीद