Video | खडसेंच्या भाषणात बत्तीगुल्ल, अंधारात मोबाइल चमकले, अन् घोषणा एकच….
जळगावात राष्ट्रवादी काँग्रेस कमजोर करण्याचं काम मी केलं. पण आता मी राष्ट्रवादी काँग्रेसमध्ये आहे. त्यामुळे इथलं पक्ष संघटन मीच वाढवणार. या जिल्ह्यात 100 टक्के यश मिळवून देणार, असा विश्वास एकनाथ खडसेंनी व्यक्त केला.
जळगावः जळगावात आज राष्ट्रवादी कार्यकर्ता (NCP) मेळावा पार पडला. अजित पवाराचं (Ajit Pawar) दिमाखदार भाषण आणि नाथाभाऊंच्या (Eknath Khadse) शैलीने हा कार्यक्रम दणाणून सोडला. या मेळाव्यातील आणखी एका घटनेची सध्या जळगावात जोरदार चर्चा आहे. राष्ट्रवादी काँग्रेस नेते अजित पवार यांच्या आधी एकनाथ खडसेंचं भाषण सुरु होतं. यावेळी अचानक वीजपुरवठा खंडीत झाला. भर सभेत अंधार झाला. पण प्रत्येकाजवळ मोबाइलरुपी बॅटऱ्या असल्याने काही क्षण मोबाइलचे लाइट झळकवण्यात आले. एवढ्यात कार्यकर्त्यांमधून जोरजोरात घोषणाबाजी सुरु झाली. एकच वादा… अजित दादा… काही वेळातच वीज पुरवठा खंडित झाला. मात्र या प्रसंगाची चर्चा जळगावात सुरु आहे. हा व्हिडिओदेखील व्हायरल केला जातोय…
पहा व्हिडिओ—
‘जळगावात राष्ट्रवादी मजबूत करणार’
जळगावात राष्ट्रवादी काँग्रेस कमजोर करण्याचं काम मी केलं. पण आता मी राष्ट्रवादी काँग्रेसमध्ये आहे. त्यामुळे इथलं पक्ष संघटन मीच वाढवणार. या जिल्ह्यात 100 टक्के यश मिळवून देणार, असा विश्वास एकनाथ खडसेंनी व्यक्त केला. मुक्ताईनगरमध्ये निवडून आणलेला आमदार आपलाही झाला नाही आणि उद्धवजींचाही झाला नाही. खोके देऊन ओके झाला. यावेळी आपणच त्याला निवडून आणलं होतं… असा गौप्यस्फोट एकनाथ खडसेंनी केला.
अजित पवार काय म्हणाले पहा?
