सरकारकडून सोने खरेदी न करण्याचे आवाहन, दागिने कंपनीचा थेट वाढला महसूल, 22 टक्क्याहून..
सरकारकडून सोने आणि चांदी खरेदीवर ड्युटीत मोठी वाढ केली. हेच नाही तर सातत्याने सरकारकडून सोने खरेदी न करण्याचे आवाहन केले जात आहे. मात्र, लोकांकडून मोठ्या संख्येने सोने खरेदी केली जात आहे. त्यातच आता मोठी अपडेट पुढे येतंय.
इराण आणि अमेरिका युद्धात सोने आणि चांदीच्या दरात मोठी घसरण बघायला मिळाली. सोन्याचे दर सतत घसरताना दिसत आहेत. त्यातच आता दागिने विक्रेते पी. एन. गाडगीळ ज्वेलर्सच्या महसुलात आर्थिक वर्षाच्या पहिल्या तिमाहीत 22 टक्के वाढ झाली.
कंपनीच्या मते, जडवलेल्या दागिन्यांचा आणि किरकोळ व्यवसायाचा वाढता वाटा यामुळे महसूल वाढला आहे. या तिमाहीत पी एन गाडगीळ ज्वेलर्सने दोन नवीन दुकाने सुरू केली.
यामध्ये गुरुग्राममधील स्टोअर आणि पुण्यातील अमनोरा मॉलमध्ये यू स्टोअरचा समावेश आहे. 30 सप्टेंबर 2026६ पर्यंत कंपनीची एकूण 80 दुकाने होती. ज्यापैकी 79 भारतात आणि एक अमेरिकेत होते.
23 नवीन दुकाने सुरू करण्याचे उद्दिष्ट आहे. यामुळे वर्षाच्या अखेरीस एकूण दुकानांची संख्या सुमारे 103 पर्यंत पोहोचू शकते. अयोध्या आणि प्रयागराजमध्येही नवीन दुकाने सुरू होणार आहेत.
सोने खरेदी न करण्याचे आवाहन सरकारकडून केले जात आहे. मात्र, त्याला कोणीही दाद देत नाही. हेच नाही तर सोने खरेदीवर लोक अधिक भर देत आहेत.
