उल्हासनगरच्या माजी आमदार ज्योती कलानी यांचं निधन, मोदी लाटेतही राष्ट्रवादीकडून विजय

ठाणे: उल्हासनगरच्या माजी आमदार ज्योती पप्पू कलानी यांचं रविवारी हृदयविकाराच्या धक्क्याने निधन झालं.ज्योती कलानी यांना त्यांच्या निवासस्थानी ह्रदयविकाराचा झटका आला , त्यानंतर खासगी रुग्णालयात दाखल केले असता, डॉक्टरांनी त्यांना मृत घोषित केले. ज्योती कलानी 70 वर्षाच्या होत्या. ज्योती कलानी यांचा राजकीय प्रवास नगरसेवक, महापौर ते आमदार असा राहिला. ज्योती कलानी यांच्या निधनामुळे उल्हासनगर शहरावर शोककळा पसरली आहे. ज्योती कलानी 2014 मध्ये मोदी लाटेमध्येही निवडून आल्या होत्या. (Jyoti Kalani ex MLA of NCP died of heart attack at residence in Ulhasnagar)

ज्योती कलानी यांची आयर्न लेडी म्हणून ओळख

ज्योती कलानी यांची आयर्न लेडी, तसंच शहराची भाभी म्हणून त्यांची ओळख होती. सन 2014 ते 2019 या काळात त्या राष्ट्रवादी काँग्रेसच्या उल्हासनगर विधानसभा क्षेत्राच्या आमदार होत्या. राष्ट्रवादी काँग्रेसच्या स्थापनेपासून त्या राष्ट्रवादीच्या उल्हासनगर जिल्हाध्यक्षा होत्या.

उल्हासनगरच्या पहिल्या महापौर

ज्योती कलानी अनेक वेळा नगरसेवक म्हणून निवडून आल्या होत्या. 1995 ला त्या उल्हासनगर नगरपरिषदेच्या पहिल्या नगराध्यक्षा होत्या. 2005 मध्ये उल्हासनगरमध्ये महापालिका स्थापन झाल्यानंतर प्रथम महापौर होण्याचा मान देखील त्यांना मिळाले होते. त्यानंतर त्या अनेकदा नगरसेवक म्हणून निवडून आल्या होत्या.

2014 मध्ये पहिल्यांदा आमदार

ज्योती कलानी यांचे पती पप्पू कलानी हे उल्हासनागरचे सलग ४ वेळा आमदार होते. एका हत्येच्या गुन्ह्यात पप्पू कलानी यांना तुरुंगात जावं लागलं. त्यानंतर 2014 च्या निवडणुकीत राष्ट्रवादीनं ज्योती कलानी यांना उमेदवारी दिली होती. पंतप्रधान नरेंद्र मोदी यांची लाट असूनही ज्योती कलानी यांनी भाजपच्या कुमार कलानी यांचा  पराभव केला होता. ज्योती कलानी यांचा मुलगा ओमी कलानी यांनी टीम ओमी कलानी नावाची राजकीय संघटना तयार केली आहे. उल्हासनागरच्या राजकारणात कलानी नावाला मोठं महत्व आहे. ज्योती कलानी यांच्या निधनामुळे उल्हासनगर शहरावर शोककळा पसरली आहे.

VIDEO : Yashomati Thakur | महिला वनकर्मचाऱ्यांच्या प्राप्त तक्रारींवर यशोमती ठाकूर यांचा गोपनीय दौराhttps://t.co/MIUSQfWNwT

— TV9 Marathi (@TV9Marathi) April 19, 2021

संबंधित बातम्या:

आमदार ज्योती कलानींचा निवडणूक लढण्यास नकार, राष्ट्रवादीचा उमेदवार कोण?

LIVE | उल्हासनगरच्या माजी आमदार ज्योती कलानी यांचे निधन

(Jyoti Kalani ex MLA of NCP died of heart attack at residence in Ulhasnagar)