Khawdya Dongar : चांदगुडे कुटुंबियांच्या आर्थिक परिस्थितीवर मावशीचा मोठा दावा, कमाईचं स्त्रोत काय होतं?

Kunal Chandugade Khavdya Dongar Case : कुणाल चांदवडे आणि त्याच्या आई – वडिलांच्या मृत्यूमुळे सर्वत्र खळबळ माजली आहे. सुरुवातील असं समोर आलं की, कुणाल याच्याकडे आयफोन होता, पण त्याला नवीन आयफोन हवा होता. आयफोनच्या हट्टासाठी कुणाल खवड्या डोंगरावर पोहोचला आणि त्यांने आयफोनची मागणी करत खाली उडी मारण्याची धमकी दिली. तेव्हा त्याला वाचवण्यासाठी गेलेल्या वडिलांचा देखील मृत्यू झाला. मुलगा आणि पतीचा मृत्यू डोळ्यांनी पाहिल्यानंतर कुणाल याच्या आईने देखील त्याच डोंगरावरून उडी मारुन स्वतःला संपवलं. अशात कुटुंबियांमध्ये वाद देखील सुरु असल्याची माहिती समोर आली. शिवाय त्यांच्या आर्थिक परिस्थितीची देखील चर्चा सुरु झाली. यावर आता कुणाल याच्या मावशीने मोठा दावा केला आहे…

कुणालच्या आई – वडिलांचे वाद

कुणाल याच्या आई – वडिलांबद्दल मावशीने दिलेल्या माहितीनुसार, ‘कुणालला असं पाऊल उचलायचं नव्हतं. भांडण झाल्यानंतर वडिलांनी घर सोडलं होते. अशात आई – वडिलांनी जवळ आणण्यासाठी तो इमोशनल ब्लॅकमेल कराचा… वडील निघून गेल्यामुळे त्याची आई तणावात होती. कुणाल याने वडिलांना फोन केला आणि म्हणालेला, ‘तुम्हा मला सोडून कसे जाऊ शकता? माझ्याकडे परत या. कुणालला आई – वडिलांना एकत्र आणायचं होतं. त्यासाठी तो धडपड करत होता…’ असं मावशी परडे यांनी स्पष्ट केलं…

कुटुंबियांच्या कमाईचं स्त्रोत काय होतं?

आयफोनवरुन अनेक उलटसुलट चर्चा सुरु आहेत, यावर मावशीने स्पष्टीकरण दिलं आहे. ‘भावजी ड्रायव्हर असले तरी ते चांगल्या शेतकरी कुटुंबातील आहेत… घरात नोकरीसोबतच शेतीचा पैसा देखील येत होता. त्यामुळे कुटुंबात कोणतीत पैशांची कमतरता नव्हती. आयफोन आता सहज मिळातात. 20 – 25 हजार रुपयांत जुने फोन मिळतात. कुणलला शिक्षणासाठी फोन दिलेला. त्यामुळे श्रीमंतीचा किंवा उधळपट्टीचा आव आणणं चुकीचं’, असल्याचं त्यांनी स्पष्ट केलं.

सांगायचं झालं तर, कुणाल चांदगुडेची मावशी कल्याणी परडे यांनी मीडियाशी संवाद साधताना चांदगुडे कुटुंबातील कलह आणि कुणालच्या हत्येचं कारण स्पष्ट केलं. कुटुंबियांचे अनेक व्हिडीओ सध्या सोशल मीडियावर व्हायरल होत आहे.