Maharashtra News LIVE : नाशिकमध्ये ठाकरे गटाकडून खड्ड्यांच्या विरोधात मोर्चा

मुंब्र्यातील कावड यात्रेला नितेश राणे यांची हजेरी लावली आहे. त्यांच्या हस्ते मंदिरात पूजा सुरू झाली आहे. भगव्या पोशाखात त्यांनी मंदिराज हजेरी लावली आहे.

रीलच्या नादात जीव धोक्यात घालणाऱ्यांना रिल्सस्टारला नागपूर पोलिसांचा दणका दिला आहे.  नागपूरच्या रेडियन हॉटेल चौकातील सिग्नल लागले असतांना….रस्त्याच्या मधोमध उभं राहून रील बनवणाऱ्या युवक-युवतीला पोलिसांनी चांगलीच समज दिली.  धोकादायक पद्धतीने रील बनवतानाचा व्हिडिओ सोशल मीडियावर व्हायरल झाल्यानंतर पोलिसांनी दोघांनाही बोलावून रस्त्यावर स्टंटबाजी आणि प्रसिद्धीसाठी जीव धोक्यात घालणं टाळण्याचा इशारा दिला.

बीडच्या गेवराई तालुक्यातील आहेर वाहेगाव येथील ग्रामस्थांनी ग्रामसभा होत नसल्याची तक्रार गट विकास अधिकाऱ्यांकडे केली होती. यावर गटविकास अधिकाऱ्यांनी आदेश काढत ग्रामसभा घेण्याचे ग्रामसेविक गिता साळुंखे यांना कळवले तर विस्तार अधिकाऱ्यांना त्याचा अहवाल घेऊन सादर करण्याचे आदेश दिले होते. त्याचे पत्र ग्रामस्थांनी ग्रामसेविका साळुंखे यांना दाखवले यावर त्यांना नॉलेज नाही म्हणत आदेश झिटकारुन लावल्याचा आरोप होत आहे. याचा व्हिडिओ सध्या सोशल मीडियावर व्हायरल होत आहे.

नागपुरात पोलीस दलातील अधिकाऱ्याच्या आत्महत्येची धक्कादायक घटना समोर आली आहे.  ज्ञानेश्वर झोल असं आत्महत्या केलेल्या साह्यक पोलीस निरीक्षकाचे नाव आहे. ते नागपूर पोलीस आयुक्त कार्यालयातील पीआरओ आणि अर्ज शाखेत कार्यरत होते. पीसीएमटी क्वार्टर्समध्ये आत्महत्या केल्याची प्राथमिक माहिती आहे.

नाशिकमधील सिंहस्थ कुंभपर्व पुस्तिकेवर मंत्री गिरीश महाजन यांचा पालकमंत्री म्हणून उल्लेख करण्यात आला आहे.  नाशिक त्रंबकेश्वर सिंहस्थ कुंभमेळ्याच्या पार्श्वभूमीवर सिंहस्थ कुंभपर्व पुस्तिकेचे काही दिवसांपूर्वी मंत्री महाजन यांच्या हस्ते अनावरण करण्यात आले होते.  पंतप्रधान मुख्यमंत्री उपमुख्यमंत्र्यांसह गिरीश महाजन यांचा पुस्तिकेच्या मागच्या बाजूला फोटो आहे.  या फोटोच्या खाली पालकमंत्री व कुंभ पर्व मंत्री गिरीश महाजन असा पुस्तिकेवर उल्लेख आहे.  नाशिकच्या पालकमंत्री पदाचा तिढा कायम असताना गिरीश महाजन यांचा पालकमंत्री म्हणून उल्लेख करण्यात आला आहे.

धाराशिवच्या कळंबच्या एमडी ड्रग्ज रॅकेटची पाळेमुळे आता पुणे जिल्ह्यापर्यंत पोहोचले आहेत. धाराशिव जिल्यातील कळंब ड्रग्ज प्रकरणाची व्याप्ती वाढली. या प्रकरणी एमडी ड्रग्ज प्रकरणात चौथा आरोपी अटकेत आला आहे. कळंब शहरातील एमडी ड्रग्ज तस्करी प्रकरणाचा तपास आता मावळपर्यंत पोहोचला आहे. या प्रकरणी पुणे जिल्ह्यातील वडगाव येथील अक्षय रिटे याला पोलिसांनी अटक केली आहे.