Maharashtra Live News : मुंबई-पुणे एक्स्प्रेस वेवर प्रवासी बसला भीषण आग

नागपूर विभागात गुटख्यावर मोठी कारवाई. नागपूर विभागात प्रतिबंधित गुटखा, पानमसाला आणि सुगंधी तंबाखूच्या अवैध साठ्यावर छापे टाकून ३१.८३ लाख रुपयांचा साठा व १९.६० लाख रुपयांची ३ वाहने जप्त करण्यात आली असून ७ जणांना अटक करण्यात आली आहे. नाशिकमध्ये प्रवासी बसमधून ५,००० किलो मिठाई जप्त. अहमदाबादहून अकोल्याकडे जाणाऱ्या ‘वेलकम ट्रॅव्हल्स’च्या प्रवासी बसवर छापा टाकून अत्यंत अस्वच्छ वातावरणात मानवी आरोग्यास घातक ठरू शकणारी ५ हजार किलो संशयित भेसळयुक्त मिठाई जप्त करण्यात आली. अंबाजोगाई तालुक्यात गेल्या अडीच ते तीन महिन्यांपासून पावसाने दडी मारल्याने खरीप हंगामातील सोयाबीन पिकाला मोठा फटका बसला आहे. पावसाअभावी अनेक शेतकऱ्यांचे सोयाबीन पीक पूर्णपणे वाळून गेले.