Marathi News Live Update : दसरा मेळावा शिवतीर्थावरच व्हायला हवा – मुख्यमंत्री

राज्यातील अनेक जिल्ह्यांसह शेजारील राज्यातूनही जोरदार पाऊस होत असल्याने जनजीवन विस्कळीत झाले आहे. अनेक जिल्ह्यांना दुसऱ्यांदा पुराचा फटका बसला असल्याने शेतीसह रस्ते पाण्याखाली गेले आहेत. या पावसामुळे शेतीचेही प्रचंड नुकसान झाले आहे. तर दुसरीकडे राजकीय घडामोडींनाही प्रचंड वेग आला आहे. लम्पी रोगावरुन राज्यसरकारवर विरोधी पक्षाकडून जोरदार टीका होत असून यंदाचा गळीत हंगाम सुरु होण्याआधी जनावरांसाठी लस उपलब्ध करुन देण्याची मागणी विरोधी पक्षाकडून केली जात आहे. त्यामुळे राज्यातील पावसाच्या घडामोडींबरोबरच राजकीय घडामोडींचीही माहिती जाणून घेणार आहोत. राज्यातील आज कोणत्या भागात जोरदार, मध्यम आणि हलक्या स्वरुपाचा पाऊस होणार आहे, त्याचीही माहिती घेणार आहोत.