मनोज जरांगे पाटील यांच्या टिकेवर चंद्रशेखर बावनकुळे यांची पहिली मोठी प्रतिक्रिया, म्हणाले, माझी..

मराठा समाजाचे नेते मनोज जरांगे पाटील यांनी नुकताच भाजपा नेते चंद्रशेखर बावनकुळे यांच्यावर गंभीर आरोप केले. या आरोपांवर बोलताना चंद्रशेखर बावकुळे यांनी म्हटले की, माझी नार्को टेस्ट करता येईल. माझी परवानगी आहे. जे जात पडताळणी विभाग आहे, हा अर्ध न्यायिक आहे. त्यात हस्तक्षेप करता येत नाही. कोणताही मंत्री या ऑथोरिटीला फोन करू शकत नाही. जात पडताळणीचा जो काही निर्णय त्यात बावनकुळे किंवा इतर कोणी फोन करतात हे म्हणणं योग्य नाही. त्यांच्या न्यायिक अधिकारात कोणी जाऊ शकत नाही. कुणालाही हस्तक्षेप करण्याचा अधिकार नाही. जरांगे का बोलले माहीत नाही. जात पडताळणी समितीने जो निर्णय घेतला आहे, त्याला उच्च न्यायालयात जाता येतं. आमच्यावर अन्याय झाला असं वाटत असेल तर हायकोर्टात जाऊन अपील करा. स्टे आणू

पुढे बावनकुळे यांनी म्हटले की, ते काय बोलले याबद्दल चर्चा करायची नाही. जात पडताळणीच्या कोणत्याही अर्ध न्यायिक प्रक्रियेतील भाग आहे. जात पडताळणीवर कोणता मंत्री फोन करेल आणि त्यावर समिती ऐकेल असं होत नाही. कोणत्याही राज्यात होत नाही. त्यांना काही अन्याय झाला वाटत असेल तर ते कोर्टात जाऊन न्याय मागू शकतात.

प्रमाणपत्र का रद्द होत आहेत. हे समिती सांगू शकते. याचा डेटा वेबसाईटवर मिळू शकेल. कुणाकुणाची जात पडताळणी झाली हे पाहता येईल. समितीचे अधिकार अर्ध न्यायिक आहेत. त्यावर कुणाला बोलायचा अधिकार नाही. मंत्री फोन करू शकत नाही. कारण त्यांना तो अधिकार नाही. मनोज जरांगे पाटील यांनी केलेल्या आरोपांवर पहिली मोठी प्रतिक्रिया बानकुळे यांनी दिली.

मनोज जरांगे पाटील यांनी बावनकुळे यांच्यासोबतच उपमुख्यमंत्री एकनाथ शिंदे यांच्यावरही गंभीर आरोप केले, एकनाथ शिंदे यांनी आपला डबल गेम केला म्हणताना मनोज जरांगे पाटील दिसले. देवेंद्र फडणवीस यांच्याबद्दलही काही आरोप जरांगे यांनी केला. जरांगे नक्की काय बोलले हे मी ऐकले नसल्याचेही बावनकुळे यांनी म्हटले.