Narendra Bhondekar Video : अचानक स्टेज तुटला अन् आमदार खाली पडले, गाण्याच्या कार्यक्रमात काय घडलं?

Narendra Bhondekar : भंडाऱ्याचे आमदार नरेंद्र भोंडकर यांचा सध्या एक व्हिडीओ फार व्हायरल होत आहे. या व्हिडीओमध्ये ते नाचत असताना चक्क मंचावरून खाली पडले आहेत. मंच तुटल्याने हा अजब प्रकार घडला आहे. या घटनेचा व्हिडीओ सध्या सर्वत्र व्हायरल झाला असून या दुर्गघटनेत त्यांचे कार्यकर्ते जखमी झाले आहेत. भोंडकर यांना यात किरकोळ इजा झाली आहे.

नेमकं काय घडलं?

सध्या देशभरात नवरात्रोत्सवाची धूम आहे. महाराष्ट्रातही हा सण मोठ्या उत्सवात साजरा केला जात आहे. शहरांत जागोजागी गरबा आयोजित करण्यात येत आहे. नेतेमंडळीदेखील लोकांपर्यंत पोहोचण्यासाठी या सणाचा पुरेपूर वापर करत आहेत. राज्यभारातील आमदार, खासदारांकडून आपापल्या मतदारसंघात गरबाचे आयोजन केले आहे. काही ठिकाणी तर आकर्षक बक्षिसंदेखील ठेवण्यात आली आहेत. भंडाऱ्याचे आमदार नरेंद्र भोंडेकर यांनीदेखील पवनी शहरात शहनाज अख्तर यांच्या गाण्याचा कार्यक्रम आयोजित केला होता.

हा कार्यक्रम पाहण्यासाठी लोकांनी मोठी गर्दी केली होती. शहनाज अख्तर यांच्या गायनामुळे वातावरण भारून गेले होते. हाच गाण्याचा कार्यक्रम सुरू असताना आमदार व कार्यकर्ते स्टेजवर चढले व नाचू लागले. क्षमतेपेक्षा जास्त लोक वर आल्यामुळे मंच अचानक तुटला. इकडे आमदार भोंडेकर तसेच त्यांचे कार्यकर्ते डान्स करण्यात मग्न होते. असे असतानाच अचानकपणे मंच तुटला. त्यामुळे अचानकपणे भोंडेकर तसेच त्यांचे कार्यकर्ते खाली कोसळले. या दुर्घटनेत काहींना थोडीफार दुखापत झाली असल्याचं बोललं जात आहे. आमदार भोंडेकर यांना किरकोळ इजा झाली आहे. या दुर्घटनेचा व्हिडीओ सध्या सगळीकडे व्हायरल होत आहे.

नरेंद्र भोंडेकर कोण आहेत?

नरेंद्र भोंडेकर यांनी 2024 साली एकनाथ शिंदे यांच्या पक्षाकडून भंडारा मतदारसंघातून निवडणूक लढवली. या निवडणुकीत त्यांना एकूण 48.82 मतं मिळाली. त्यांनी काँग्रेसच्या पूजा थावकार यांना पराभूत केले. काँग्रेसच्या उमेदवाराला तिथे 34.17 टक्के मते मिळाली होती. नरेंद्र भोंडेकर हे हिंदू बहुजन महासंघाचे राष्ट्रीय अध्यक्षदेखील आहेत.

पाहा दुर्घटनेचा व्हिडीओ :