बारामती विधानसभा पोटनिवडणुक बिनविरोध होणार? सुप्रिया सुळे यांची पहिली मोठी प्रतिक्रिया, थेट..

अजित पवार यांच्या निधनानंतर बारामतीमध्ये विधानसभेची पोटनिवडणुक आहे. ही निवडणूक बिनविरोध झाली पाहिजे, असा प्रयत्न केला जात आहे. महायुतीकडून उपमुख्यमंत्री सुनेत्रा पवार निवडणुकीच्या मैदानात आहेत. काँग्रेसकडून या निवडणुकीत उमेदवार देण्यात आला. ही निवडणूक बिनविरोध व्हावी, याकरिता प्रयत्न केली जात आहेत. यादरम्यान आमदार रोहित पवार यांनी हर्षवर्धन सपकाळ याची आजच भेट घेतली. बारामती पोटनिवडणुकीत नक्की काय घडते याकडे सर्वांच्या नजरा आहेत. अजित पवार यांच्या निधनानंतर चार दिवसांनी सुनेत्रा पवार यांनी उपमुख्यमंत्रिपदाची शपथ घेतली. त्यांच्या या शपथविधीबद्दल शरद पवार यांना कोणीतीही कल्पना नव्हती. सुनेत्रा पवार पोटनिवडणुकीचा अर्ज भरण्याकरिता ज्यावेळी आल्या, त्यावेळी पार्थ पवार आणि जय पवार यांच्याशिवाय पवार कुटुंबातील कोणीही उपस्थित नव्हते.

बारामती पोटविधानसभेच्या निवडणुकीबद्दल नुकताच सुप्रिया सुळे यांनी मोठे विधान केले. सुप्रिया सुळे यांनी म्हटले की, रोहित पवार आणि हर्षवर्धन सपकाळ यांच्यात बैठक झाली. रोहित पवार यांनी मनापासून दिलगिरीही व्यक्त केली.
काँग्रेसबद्दल जे काही वक्तव्य झाले, त्याबद्दल. काही चूक, भूल असेल तर माफ करा, असे म्हटले.

पार्थ पवार याच्याबद्दल बोलताना सुप्रिया सुळे यांनी म्हटले की, आत्या म्हणून जे काही सांगायचे असते ते घरात सांगायचे असते… कॅमेऱ्यावर नाही. सुनेत्रा पवार यांनी काल हर्षवर्धन सपकाळ यांना काल फोन केल्यावरून बोलताना सुप्रिया सुळे यांनी म्हटले की, मला याबाबत काही कल्पना नाही. माझे काल कोणाशीही बोलणे झाले नाही.

बारामतीबद्दल अजून काही चर्चा झाली नाही. निवडणुकीबद्दल जो काही निर्णय असेल तो काँग्रेसचा असेल असेही सुप्रिया सुळे यांनी म्हटले. सुप्रिया सुळे यांना विचारण्यात आले की, बारामतीची निवडणूक झाली तर सुनेत्रा पवार यांच्याकरिता तुम्ही प्रचाराच्या मैदानात उतरणार का? यावर सुप्रिया सुळे यांनी म्हटले की, अजून काही ठरले नाही. रोहित पवार यांनी झालेल्या प्रकाराबद्दल दिलगिरी अगोदरच व्यक्त केली आहे.