मध्यरात्री पाठलाग करत घरी आला, मागून फ्रॅाकमध्ये हात घातला अन्.. वसईत धक्कादायक प्रकार

एक धक्कादायक घटना घडली आहे. एक महिला कामावरुन घरी जात असताना तिचा एका अज्ञात व्यक्तीने पाठलाग केला. तो तिच्या इमारतीपर्यंत पोहोचला. त्यानंतर त्याने महिलेला पाठीमागे जाऊन हळून स्पर्श करण्याचा प्रयत्न केला. त्यानंतर जे काही केलं त्याचा सीसीटीव्ही फूटेज पाहून पोलिसांना देखील धक्का बसला आहे. महिलेच्या तक्रारीनंतर पोलीस सध्या आरोपीचा शोध घेत आहेत. आता नेमकं काय घडलं? जाणून घ्या…

नेमकं काय घडलं?

ही घटना वसईच्या माणिकपूर पोलीस ठाणे हद्दीत घडली आहे. पोलिसांनी दिलेल्या माहितीनुसार, संबंधित महिला वसई पश्चिमेतून कामावरुन घरी परतत असताना एका अज्ञात व्यक्तीने तिचा पाठलाग केला. पाठलाग करत करत आरोपी तिच्या इमारतीपर्यंत पोहोचला. आजूबाजूला कोणी नसल्याचे पाहून त्याने महिलेच्या इमारतीच्या परिसरात तिचा विनयभंग केला. तो मागून हळूच महिलेच्या जवळ गेला. त्याने महिलेच्या फ्रॉकमध्ये खालून हात घालून तिचा विनयभंग केला. यासोबतच त्याने अश्लील कृत्य केल्याचाही आरोप करण्यात आहे.

पोलिसात तक्रार दाखल

या घटनेनंतर महिलेने तातडीने पोलिसात धाव घेतली. तिने या प्रकरणी तक्रार दाखल केली आहे. तक्रारीवरून पोलिसांनी भारतीय न्याय संहिता (BNS) कलम ७४, ७५ आणि ७८ अंतर्गत गुन्हा नोंदवला आहे. आरोपीने फिकट गुलाबी रंगाचा टी-शर्ट, काळी जीन्स आणि सँडल घातल्याचे तक्रारीत नमूद आहे. परिसरातील सीसीटीव्ही फुटेजच्या आधारे आरोपीचा शोध घेतला जात आहे.

वसईमध्ये आणखी एक धक्कादायक घटना

वसईमधून आणखी एक भयानक घटना समोर आली आहे. वसई रेल्वे स्थानकाजवळील स्कायवॉकवर प्रेयसीच्या आई-वडिलांनी लग्नाला विरोध दर्शवल्याने नैराश्यात आलेल्या एका तरुणाने आत्महत्या करण्याचा प्रयत्न केला. मात्र, माणिकपूर पोलिसांच्या तत्परतेमुळे त्याचा जीव वाचला. या घटनेसाठी पोलिसांचे सर्व स्तरांतून कौतुक होत आहे. ही घटना ५ जून रोजी रात्री सुमारे ८ वाजण्याच्या सुमारास घडली. लग्नाला नकार मिळाल्याने मानसिक तणावात असलेल्या तरुणाने स्कायवॉकच्या दिशेने धाव घेतली. मित्रांनी समजावण्याचा प्रयत्न केला, तरी तो कोणाचेच ऐकण्याच्या मनस्थितीत नव्हता. अखेर त्याने स्कायवॉकच्या कठड्यावर चढून आत्महत्या करण्याचा प्रयत्न केला.