मोठी बातमी : अनिल परब ईडी चौकशीला जाणार नाहीत, साई रिसॉर्टप्रकरणी समन्स

मुंबई : अनिल परब ईडी चौकशीला जाणार नाहीत, अशी माहिती आहे. साई रिसॉर्टप्रकरणी त्यांना समन्स पाठवण्यात आला आहे. ईडीने दापोलीतील रिसॉर्टप्रकरणी अनिल परब यांना समन्स बजावली होती. आज त्यांना चौकशीसाठी हजर राहण्याचे आदेश दिले होते. आज 11 वाजता त्यांची चौकशी होणार होती. पण आधीच्या नियोजित कामामुळे ते चौकशीला हजर राहणार नाहीत. मात्र अनिल परब यांचे वकील ईडी कार्यालयात जाणार आहेत आणि काही कामामुळे परब हजर राहणार नसल्याची माहिती देतील. तसंच पुढची तारीख मागून घेतील, अशी माहिती आहे.

अनिल परब यांना समन्स, चौकशीला गैरहजर

परिवहन मंत्री अनिल परबांच्या मुंबईतील घरावर, कार्यालयावर आणि रत्नागिरीतील रिसॉर्टवर तसेच परबांच्या निकटवर्तीयांवर मागच्या काही दिवसांपूर्वीच ईडीने धाडसत्र सुरू केलं आहे. त्यानंतर तिथल्या स्थानिक ग्रामपंचायतीकडून काही कागदपत्रही ताब्यात घेतली होती. काल त्यांना नोटीस देण्यात आली होती. पण ते आज हजर राहणार नाहीत, काही नियोजित कामांमुळे ते चौकशीला हजर राहणार नाहीत. मात्र त्यांच्या वकीलांच्या वतीने पुढची तारीख मागून घेण्यात येणार आहे.

काय आहे नेमकं प्रकरण?

गेल्या अनेक दिवासांपासून याच रिसॉर्टवरून अनिल परब यांच्यावर अनेक आरोप भाजपकडूनही केले जात आहेत. साई रिसॉर्ट गैरव्यवहार प्रकरणाची ईडीकडून सध्या कसून चौकशी सुरू आहे. याच प्रकरणात ईडीने सात ठिकाणी छापेमारी केली होती. तसेच ईडीकडून सर्च ऑपरेशनमध्ये अनेक कागदपत्रं ईडीने ताब्यात घेतली होती.

याच प्रकरणात आता आज मुंबईतील ईडी कार्यालयात अनिल परबांनी चौकशीली अजर राहावे, असे आदेश देण्यात आले होते. या रिसॉर्टसाठी केलेला खर्च बेनामी आहे असा संशय संध्या ईडीला आहे. या प्रकरणात ईडीने अनेकांचे जबाबही नोंदवण्यात आले आहेत. तसेच यात परब यांचाही जबाब नोंदवण्यात आला होता.