AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Smit Machhar : कॅप्टन स्मित मच्छार यांना अशोक चक्र द्या, महाराष्ट्रातून पहिली मोठी मागणी; थेट पंतप्रधानांना पत्र

फ्लाईदुबईचे कॅप्टन स्मित मच्छार यांनी विमान दुर्घटनेत दाखवलेल्या अतुलनीय शौर्यामुळे १७४ प्रवाशांचे प्राण वाचले. कॉकपिटमध्ये हल्ला होऊन गंभीर जखमी होऊनही त्यांनी परिस्थिती कुशलतेने हाताळली. या अतुलनीय कार्याबद्दल त्यांना 'अशोक चक्र' प्रदान करावे, अशी मागणी खासदार मिलिंद देवरा यांनी पंतप्रधान नरेंद्र मोदींना पत्र लिहून केली आहे.

Smit Machhar : कॅप्टन स्मित मच्छार यांना अशोक चक्र द्या, महाराष्ट्रातून पहिली मोठी मागणी; थेट पंतप्रधानांना पत्र
Captain Smit Machhar Image Credit source: tv9 marathi
| Updated on: Oct 02, 2026 | 5:02 PM
Share

फ्लाईदुबईचे कॅप्टन स्मित मच्छार यांना अशोक चक्र सन्मानाने गौरवण्यात यावं, अशी मागणी शिंदे गटाचे नेते आणि राज्यसभा सदस्य मिलिंद देवरा यांनी केली आहे. मिलिंद देवरा यांनी पंतप्रधान नरेंद्र मोदी यांना पत्र पाठवून ही मागणी केली आहे. मी कॅप्टन स्मित मच्छार यांच्याबाबत लिहित आहे. ते मुंबईत जन्मलेले पायलट आहेत. दुबईहून तेल अवीवला जाणाऱ्या फ्लाईदुबईमध्ये झालेल्या घटनेवेळी त्यांनी असाधारण हिंमत आणि प्रसंगावधान दाखवलं. त्यामुळे विमानातील सर्वच्या सर्व 174 प्रवाशांचा जीव वाचला, असं या पत्रात देवरा यांनी लिहिलं आहे.

स्मित यांच्या या शौर्याचं केवळ भारतातच नव्हे तर संपूर्ण जगात कौतुक होत आहे. माझा असा विश्वास आहे की, अशा कार्याला औपचारिक मान्यता देण्याचे महत्त्व एखाद्या एका व्यक्तीला सन्मान देण्यापेक्षा कितीतरी अधिक आहे. यामुळे एक मजबूत संदेश जाईल. विशेषतः तरुणांमध्ये हा संदेश जाईल. त्यांचे धैर्य केवळ युद्धभूमीवर किंवा एखाद्या विशिष्ट व्यवसायापुरते मर्यादित नाही, असं मिलिंद देवरा यांनी या पत्रात नमूद केलं आहे.

गंभीर जखमी असातनाही मच्छार यांनी विमानातील सर्वच्या सर्व 174 प्रवाशांच्या सुरक्षेसाठी त्यांचं काम चालू ठेवलं. यावेळी या 174 प्रवाशांमध्ये 27 मुलंही होती. त्यांनी या फ्लाइटमधून वेगाने एमर्जन्सी सिग्नल पाठवले. वेगाने परिस्थिती हाताळली. त्यानंतर विमानाला सौदी अरबच्या तबुकमध्ये प्रिन्स सुल्तान बिन अब्दुल अजीज एअरपोर्टवर नेण्यात आलं, असं या पत्रात म्हटलं आहे.

कठिण प्रसंगात…

कॉकपिटमध्ये मच्छार यांच्यावर हल्ला करण्यात आला. त्यानंतर एक इस्रायली प्रवाशी आणि क्रू मेंबर कॉकपिटमध्ये घुसले. आणि पायलटवर नियंत्रण मिळवण्याचा प्रयत्न केला. यूएईने या घटनेची चौकशी सुरू केली आहे. या कथित हल्ल्याच्या मागचा हेतू अद्याप स्पष्ट झालेला नाही. मच्छार यांनी हिंमत दाखवली. त्यांच्या व्यावसायिक जबाबदारीपेक्षा त्यांनी मोठं कर्तव्य बजावलं आहे. त्यांनी कठिण प्रसंगात साहस, निस्वार्थ भाव आणि कर्तव्यनिष्ठेचा परिचय दिला आहे, असंही त्यांनी म्हटलंय.

स्मित यांचा अशोक चक्र देऊन सन्मान केला पाहिजे. त्यावर सरकारने गंभीरपणे विचार करावा. अशोक चक्र भारताचा सर्वोच्च शांती शौर्य पुरस्कार आहे. शत्रूंशी दोन हात करण्याच्या शिवाय असाधारण शौर्य, वीरता आणि आत्म बलिदानासाठी हा पुरस्कार दिला जातो, असंही त्यांनी म्हटलंय.

गंभीर जखमी तरीही…

मुंबईत राहणारे पायलट स्मित मच्छार हे फ्लाईदुबईच्या फ्लाइट FZ1073मध्ये गंभीर जखमी झाले होते. त्यांच्यावर त्यांच्याच को-पायलटने हल्ला केला आणि विमान हायजॅक करण्याचा प्रयत्न केला, तेव्हा ही घटना घडली.

Follow Us
ऑपरेशन टायगरवर आशिष जयस्वाल यांचे सूचक विधान; ठाकरे गटाच्या...
ऑपरेशन टायगरवर आशिष जयस्वाल यांचे सूचक विधान; ठाकरे गटाच्या नेतृत्वाबाबत काय म्हणाले?
छठपूजेनंतर महाराष्ट्रात काही ठिकाणी अस्वच्छतेचे साम्राज्य! रामकुंड...
छठपूजेनंतर महाराष्ट्रात अस्वच्छतेचे साम्राज्य! रामकुंडाच्या पायऱ्यांवर आडनावे, समुद्रकिनाऱ्यांवर कचऱ्याचे ढीग
रायगडमध्ये शिंदेंच्या शिवसेनेचे जोरदार शक्तिप्रदर्शन; शेकडो कार्यकर्ते
Eknath shinde : रायगडमध्ये शिंदेंच्या शिवसेनेचे जोरदार शक्तिप्रदर्शन; शेकडो कार्यकर्त्यांचा पक्षप्रवेश
जळगाव जिल्हा बँक निवडणूक महायुती म्हणून लढणार, दोन जागांचा तिढा कायम
Jalgaon : जळगाव जिल्हा बँक निवडणूक महायुती म्हणून लढणार, दोन जागांचा तिढा कायम
मुंबईत प्रदूषणाचा विळखा! हवेची गुणवत्ता खालावल्याने नागरिकांच्या...
मुंबईत प्रदूषणाचा विळखा! हवेची गुणवत्ता खालावल्याने नागरिकांच्या आरोग्याची चिंता
SRA आरोपांवर प्रताप सरनाईक आक्रमक; संजय राऊतांना सुनावले...
SRA आरोपांवर प्रताप सरनाईक आक्रमक; संजय राऊतांना सुनावले, अपना घर घोटाळ्यावरही मोठा इशारा!
शिवसेना पक्ष आणि चिन्ह प्रकरणी आज सुनावणीची शक्यता...
Shivsena Hearing Update : शिवसेना पक्ष आणि चिन्ह प्रकरणी आज सुनावणीची शक्यता
बाळासाहेब ठाकरेंचा आज स्मृतिदिन; ठाकरे बंधू एकत्र दिसणार?
Balasaheb Thackeray Smrutidin : बाळासाहेब ठाकरेंचा आज स्मृतिदिन; ठाकरे बंधू एकत्र दिसणार?
इंदुरीकर महाराज याचं पुन्हा मुली आणि नात्यांबाबत वादग्रस्त विधान!
इंदुरीकर महाराज याचं पुन्हा मुली आणि नात्यांबाबत वादग्रस्त विधान! म्हणाले, 'मुली कधीच प्रेम नाही...
ऊस उत्पादकांच्या आंदोलनाला तात्पुरती स्थगिती! अगामी बैठकीत ऊस दराचा...
ऊस उत्पादकांच्या आंदोलनाला तात्पुरती स्थगिती! अगामी बैठकीत ऊस दराचा फैसला