Disha Salian केसमध्ये FIR दाखल, फक्त आदित्य ठाकरेचं नाही इतर नावं सुद्धा तितकीच शॉकिंग, CBI एक अँगल सोडणार नाही हे स्पष्ट

सेलिब्रिटी मॅनेजर दिशा सालियान मृत्यू प्रकरणात सीबीआयने FIR दाखल केला आहे. मुंबई उच्च न्यायालयाने या प्रकरणाचा तपास सीबीआयकडे सोपवल्यानंतर हा एफआयआर दाखल झाला आहे.दिशा सालियान दिवंगत अभिनेता सुशांत सिंह राजपूतची मॅनेजर होती. जून 2020 मध्ये दिशाचा मृत्यू झाला होता. सीबीआयने दाखल केलेल्या एफआयआरमध्ये काही जणांची नावं आहेत. त्यांची चौकशी होईल. दोन दिवसांपूर्वी दिशाचे वडिल सतीश सालियन यांनी सीबीआयकडे आपला जबाब नोंदवला होता. त्यानंतर हा एफआयआर दाखल झाला आहे. उद्धव ठाकरे शिवसेनेचे नेते आदित्य ठाकरे, रोहन रॉय, अभिनेता दिनो मारियो, सूरज पांचोली यांच्यासह आदित्य ठाकरेंचे अंगरक्षक, रेहा चक्रवर्ती, शोविक चक्रवर्ती, माजी पोलीस अधिकारी सचिन वझे, माजी पोलीस आयुक्त परमबीर सिंग, डीसीपी विशाल ठाकूर यांची नावं या एफआयआरमध्ये आहेत.

“दिशाचा मृत्यू झाला त्यावेळी आदित्य ठाकरेंचे वडिल उद्धव ठाकरे मुख्यमंत्री होते. या कारस्थानात आणि हे प्रकरण दाबण्यासाठी अन्य लोकांचा सुद्धा सहभाग आहे. संबंधित सरकारी अधिकारी आणि पोलीस अधिकारी यांची सुद्धा चौकशी झाली पाहिजे. या केसशी संबंधित कागदपत्र नष्ट करणं आणि दाबणं असे प्रकार घडले आहेत. जनतेच्या पैशांचा, पोलीस यंत्रणेचा चुकीच्या गोष्टींसाठी आरोपींना वाचवण्यासाठी वापर झाला” असं एफआयआरमध्ये म्हटलं आहे.

मुंबई उच्च न्यायालयात दाद मागितली होती

ज्यांची नावं या एफआयआरमध्ये आहेत, त्यांची चौकशी झाली पाहिजे. मालवणी पोलीस स्टेनशशी संबंधित अधिकाऱ्यांची नाव सुद्धा यात आहेत. पोस्टमार्टम मध्ये असलेले डॉक्टर, नर्सेस यांची सुद्धा नावं यात आहेत. दिशा सालियनचे वडिल सतीश सालियन यांनी सीबीआय समोर जबाब नोंदवताना आदित्य ठाकरेंचं नाव घेतलं. महाराष्ट्राचे माजी मुख्यमंत्री उद्धव ठाकरे आणि आदित्य ठाकरे यांच्यासह अनेकांनी कारस्थान रचून हे प्रकरण दाबलं असं त्यांचं म्हणणं होतं. दिशाचे वडिल सतीश सालियन यांनी मुंबई उच्च न्यायालयात दाद मागितली होती. त्यांच्याच याचिकेवर सुनावणी करताना उच्च न्यायालयाने हे प्रकरण तपासासाठी सीबीआयकडे सोपवलं. दिशा सालियानचा जून 2020 मध्ये मृत्यू झाला. मुंबई पोलिसांनी तपासात बेजबाबदारपणा केल्याचा आरोप त्यांनी केला.