मुंबईवालो जरा संभलके ! पावसामुळे अभिनेता जॅकी श्रॉफ याने शेअर केली पोस्ट म्हणाला…
मुंबई आणि परिसरात झाड कोसळणे, भिंती खचणे, रस्ता खचणे आणि पाण्यात आणि उघड्या गटारात नाल्यात पडून अनेकांचे बळी गेले आहेत. या पार्श्वभूमीवर सर्वांनी काळजी घ्यावी असे वातावरण शनिवारीही मुंबईत होते. त्यात आता कलाकारांनी व्हिडीओ पोस्ट केला आहे.
मुंबई आणि उपनगरांना पावसाने गेली दोन ते तीन दिवस अक्षरश: झोडपल्याने मुंबईची तुंबई झाली आहे. शनिवारी आणि रविवारी देखील असाच पाऊस कोकण रिजनमध्ये होणार असल्याचा अंदाज वर्तवण्यात आला आहे. मुख्यमंत्री देवेंद्र फडणवीस यांनी फारच महत्वाचे काम असल्याशिवाय घराबाहेर पडू नका असा सल्ला दिला आहे. मुंबई, पालघर, रायगड आणि ठाणे जिल्ह्यातील शाळांना शनिवारी सुटी जाहीर करण्यात आली होती. मुंबईत जुहू येथे समुद्राचे पाणी किनारपट्टीच्या बाहेर आल्याचे व्हिडीओ कालपासून व्हायरल होत आहे. जुहूतील बिग बी अमिताभ बच्चन यांच्या बंगल्यातही पाणी शिरल्याचे म्हटले जात आहे. आता अभिनेता जॅकी श्रॉफ यांची एक पोस्ट व्हायरल होत आहे.
अभिनेता जॅकी श्रॉफ हा कोणतेही स्टारडम न बाळगता सर्व चाहत्यांना वागणूक देत असतो. कधी चाहत्याच्या खांद्यावर हात ठेवून फोटो देणे असो की आणखी काही त्याच्यातला मुंबईकर सारखा जागा असतो. जॅकी श्रॉफ यांनी आता एक मुंबईच्या पावसाचा व्हिडीओ व्हायरल केला आहे. या व्हिडीओत जग्गूदादा म्हणजे जॅकी श्रॉफ आपल्या कारमधून मुंबईतील रस्त्यावरील पाण्यातून मार्ग काढताना दिसत आहे. या व्हिडीओत त्याने “Mumbai walo zara sambhalke! अशी कॅप्शन दिली आहे. मुंबईकरांनी काळजी घ्यावी, सुरक्षित रहा असा सल्ला दिला आहे. मुंबईतील चेंबूर येथे शाळेच्या बसवर वृक्ष कोसळून एका विद्यार्थ्याचा मृत्यू झाला. तर काल गुरुवारी उघड्या गटारात पडून एका पादचाऱ्याचा मृत्यू झाला आहे. यामुळे अभिनेता जॅकी श्रॉफ यांनी मुंबईकरांना काळजी घेण्यास सांगितले आहे.
कलाकारांनाही पावसाचा फटका
बिग बी अमिताभ बच्चन यांच्या जुहूच्या बंगल्यात देखील पाणी शिरले आहे. अलिकडे अभिनेत्री उर्वशी ढोलकीया हीचा मुलगा क्षितीज ढोलकीया याच्या कारवर मोठे झाड कोसळले होते. ढोलकीया यांनी हा क्षण सोशल मीडियावर शेअर करीत सुदैवाने या घटनेत कोणीही जखमी झाले नाही सर्व सुरक्षित आहेत असे म्हटले आहे. अग्निशमन दल आणि पोलिसांनी तातडीने मदत केल्याने त्यांनी आभार मानले आहेत. आयएमडीने मुंबई, ठाणे आणि पालघर येथे रेड अलर्ट जारी करीत सोसाट्याच्या वाऱ्यासह पर्जन्यवृष्टीचा इशारा दिला आहे.
येथे पोस्ट वाचा –
View this post on Instagram
