रेडिओ सिटीची सलग 13 व्या वर्षी मुंबई इंडियन्सला साथ

मुंबई : भारतातील आघाडीचे रेडिओ नेटवर्क (Radio City), असलेले रेडिओ सिटी सलग 13व्या वर्षी मुंबई इंडियन्सचा (Mumbai Indians) अधिकृत रेडिओ भागीदार असणार आहे. मुंबई इंडियन्सच्या क्रिकेटविषयक (Cricket) घडामोडी त्यांच्या चाहत्यांपर्यंत रेडिओच्या माध्यमातून पोहोचविण्यासाठी रेडिओ सिटी सज्ज झाली आहे.

शहराचे लक्ष वेधून रेडिओ सिटी आपल्या चाहत्यांना खेळ आणि आसपासच्या घटनांबद्दल अपडेट ठेवते. एकत्र विजय साजरा करण्यापासून ते त्यांच्या आवडत्या क्रिकेटपटूचा जयजयकार करण्यापर्यंत, प्रत्येक क्रिकेटप्रेमी हा खेळ जगण्यासाठी रेडिओ नेटवर्कशी संपर्क साधतो. या भागीदारीद्वारे, रेडिओ सिटी या वर्षीच्या हंगामाची ‘मुंबई मेरी जान’ ही थीम ऑन-एअर तसेच डिजिटल जाहिराती, स्पर्धा, आरजेंचा सहभाग या उपक्रमातून लोकप्रिय करत आहे.

मुंबई इंडियन्ससोबतच्या सहकार्यावर भाष्य करताना, रेडिओ सिटीचे सीईओ श्री आशित कुकियान म्हणाले, “रेडिओ सिटीसाठी सलग 13व्या वर्षी मुंबई इंडियन्सशी संलग्न होणे ही अभिमानाची आणि सन्मानाची भावना आहे. ही सातत्यपूर्ण भागीदारी आम्ही जोडत असलेल्या मूल्याचा आणि मुंबई इंडियन्ससाठी आम्ही आणलेल्या नाविन्यपूर्ण धोरणाचा दाखला आहे. रेडिओ सिटी असोसिएशनच्या पहिल्या वर्षापासून मुंबई इंडियन्ससाठी आकर्षक मोहीम राबवत आहे आणि या संपूर्ण हंगामात प्रेक्षकांना मोहित करत राहील.”

आयपीएल सुरु झाल्यापासून क्रिकेटचे चाहते अधिक खूष असल्याचे पाहायला मिळत आहे. त्याचबरोबर आतापर्यंत रोमांचक मॅच झाल्या आहेत.  त्यामुळे यापुढे सुध्दा रोमांचक मॅच पाहायला मिळत आहे. मैदानात सुध्दा प्रेक्षकांची तुफान गर्दी पाहायला मिळत आहे. यावर्षी नव्या खेळाडूंना संधी देण्यात आली आहे. तर अनेक खेळाडू दुसऱ्या संघात खेळताना दिसत आहेत.