Tv9 मराठी स्पेशल रिपोर्ट : राज ठाकरे हे सरकारमधलेच- मनोज जरांगेंचा आरोप, पाहा Video

राज ठाकरेंच्या विधानावरुन आजही आरोप-प्रथ्यारोप रंगले. जरांगे यांच्यानंतर ओबीसी आंदोलक लक्ष्मण हाके यांनीही राज ठाकरेंच्या विधानावर टीका केलीय. वाचा टीव्ही9 मराठीचा स्पेशल रिपोर्ट.

Tv9 मराठी स्पेशल रिपोर्ट : राज ठाकरे हे सरकारमधलेच- मनोज जरांगेंचा आरोप, पाहा Video
| Updated on: Aug 06, 2024 | 10:37 PM

मनसे अध्यक्ष राज ठाकरे स्वतः अप्रत्यक्षपणे सरकारमधलेच एक असून त्यांचं विधान म्हणजे समाजाला उचकवण्याची कामं आहेत, असा आरोप मनोज जरांगेंनी केला. महाराष्ट्रात आरक्षणाची गरजेच नसल्याचं विधान राज ठाकरेंनी केल्यावर धाराशीवमधला मराठा आंदोलक आक्रमक झाले होते. त्यानंतर आज ओबीसी आंदोलक लक्ष्मण हाकेंनीही राज ठाकरेंवर निशाणा साधला.

कालच्या आंदोलनानंतर राज ठाकरे आणि मराठा आंदोलकांमध्ये चर्चा झाली. यावेळी आरक्षणाच्या भूमिकेचा मुद्दा राज ठाकरेंनी मराठी-अमराठीचा मुद्द्यापर्यंत नेला. दुसरीकडे लोकसभेवेळी अनेक कुणबी-मराठा उमेदवार देणाऱ्या प्रकाश आंबेडकरांनी विधानसभेला कुणबी-मराठा उमेदवारांना मतं देवू नका. अशी भूमिका घेतलीय. कुणबी-मराठ्यांपासून सावध राहा असंही त्यांनी विधान केल्यानं बच्चू कडूंनी त्या विधानावरुन सवाल केलाय.

पाहा व्हिडीओ:-

मागण्या मंजूर करणारं वा नाकारणारं सरकार आहे. मात्र नेत्यांची विधानं ही समुहावरुन होत असल्यानं वाद चिघळत चालले आहेत. विशेष म्हणजे 15 दिवसांपूर्वी राज्यात स्फोटक स्थिती असल्याचं म्हणणारे भुजबळ सध्या आरक्षणावरुन होणाऱ्या विधानावरुन मौन आहेत. सत्तेतील नेते संजय शिरसाटांच्या मते सरकारनं ओबीसींना धक्का न लावता मराठा समाजाला आरक्षण दिलंय.

भाजपच्या भूमिकेनुसार ते मराठा समाजास आरक्षण देण्यास कटिब्दध आहे पण ओबीसींना धक्का लागू नये सत्तेतील तिसरा पक्ष अजितदादा गटाचे नेते छगन भुजबळांनी ओबीसींना धक्का लागणार म्हणून मागच्या काळात मोर्चे काढले होतेn आणि यावेळी प्रकाश आंबेडकरांनी ओबीसी आरक्षणाला धोका असल्याचं म्हटलंय.