CM Uddhav Thackeray LIVE | मुख्यमंत्र्यांच्या निवेदनातील महत्त्वाचे मुद्दे
गोरेगावमधील एग्झिबिशन मैदान, वरळीमध्ये कोरोना ग्रस्तांसाठी आणि क्वारंटाईन करण्यात आलेल्यांसाठी सुविधा करण्यात आली आहे
मुंबई : राज्यात कोरोना विषाणू दिवसेंदिवस आपले पाय पसरवत आहे (Uddhav Thackeray On Corona). कोरोनाचा प्रादुर्भाव रोखण्यासाठी राज्य सरकार सर्वतोपरी प्रयत्न करत आहेत. मात्र, तरीही राज्यात कोरोना रुग्णांची संख्या वाढत आहे. सध्या राज्यात 7 हजार 628 कोरोना रुग्ण आहेत. त्याच पार्श्वभूमीवर आज मुख्यमंत्री उद्धव ठाकरे लाईव्ह प्रसारणाच्या माध्यमातून राज्यातील (Uddhav Thackeray On Corona) जनतेशी संवाद साधला.
यावेळी मुख्यमंत्र्यांनी कोरोनासंबंधी राज्यातील स्थिती स्पष्ट केली. तसेच, त्यावर कोणकोणत्या उपाययोजना करण्यात येत आहेत, प्रशासनाची काय तयारी आहे, याबाबत त्यांनी माहिती दिली.
मुख्यमंत्री उद्धव ठाकरे यांच्या लाईव्ह प्रसारणातील 10 महत्त्वाचे मुद्दे
– जगभरात एकच चर्चा, भारत हे युद्ध औषध येण्यापूर्वी जिंकेल, ते हिमतीवर, धैर्यावर, मनोबलावर हे युद्ध जिंकेल असा सर्वांचा आत्मविश्वास आहे, आत्मविश्वास असेल तर समोर संकटांचा पहाड जरी असला तरी तो आपण जमीन दोस्त करु शकतोतेवढा आत्मविश्वास आपल्यात आहे, आत्मविश्वाच्या बळावर आपण हे युद्ध जिंकू शकतो जेवढी खबरदारी आपण घेता आहात ती अतुलनीय आहे. जो संयम दाखवता तो अद्भ्ुत आहे. हे तुम्ही दाखवत आहात म्हणून आम्ही हे युद्ध लढू शकतो
– गोरेगावमधील एग्झिबिशन मैदान, वरळीमध्ये कोरोना ग्रस्तांसाठी आणि क्वारंटाईन करण्यात आलेल्यांसाठी सुविधा, कोरोनाची लक्षणं दिसली तर फिव्हर क्लिनिकमध्ये जा, घरच्या घरी उपचार करु नका, अंगावर काढलं तर विषाणू रौद्र रुप धारण करेल, कोरोनावर औषध नसलं, तरी काळजी घेतल्यास बरा होतो
‘या’ आवाहनाबद्दल उद्धव ठाकरेंनी नितीन गडकरींचे जाहीर आभार मानले! https://t.co/J6SUxKCgbu @OfficeofUT @CMOMaharashtra @BJP4Maharashtra @nitin_gadkari
— TV9 Marathi (@TV9Marathi) April 26, 2020
– 3 मेच्या पुढे मुंबईत शिथिलता आणताच रहदारी-वर्दळ वाढली, कोरोना विषाणूच्या वाढीचा वेग कमी झाला तरी गाफील राहू नका, ही संयमाची परीक्षा, सुदैवाने 80 टक्के रुग्णांना लक्षणं नाहीत
– केंद्राचं पथक मुंबई आणि पुण्यात, त्रयस्थपणे सूचना करण्याचं आवाहन, दोन दिवसापासून केशरी शिधापत्रिका धारकांना सवलतीच्या दरात धान्यवाटप
– महाराष्ट्रात अडकलेल्या मजुरांना आपापल्या गावी पोहोचवण्यासाठी प्रयत्न सुरु, पण इतक्यात ट्रेन सुटणार नाही, गर्दी करायची नाही, संयमाने घेण्याची गरज, अन्यथा तपस्चर्या वाया जाईल (Uddhav Thackeray On Corona)
– नितीन गडकरी यांचे मुख्यमंत्र्यांनी आभार मानले, सर्व जण धर्म, जात विसरुन एकत्र आले, यात आपल्याला राजकारण बाजूला ठेवायला हवं, त्यामुळे मला गडकरींना धन्यवाद द्यायचे आहे, काही जण राजकारण करत आहे, मात्र तुम्ही जो सल्ला दिला आहे, की ही राजकारणाची वेळ नाही, सर्व एकत्र येऊन सरकारला सहकार्य आहे, त्यासाठी मी तुमचे आभार मानतो
– लॉकडाऊनमुळे कोरोनाचा गुणाकार रोखण्यात आपल्याला यश आलं, ती वाढ आपण नक्कीच काही प्रमाणात आटोक्यात आणली
– दोन पोलीस कोन्स्टेबलचा कोरोनामुळे मृत्यू झाला, कोरोनाशी लढताना ते शहीद झाले, पोलीस कॉन्सटेबला मुख्यमंत्र्यांनी श्रद्धांजली वाहिली, तसेच पोलीस काय करतात हे प्रत्येक वेळा म्हटलं जातं. पोलीसांवर संशय व्यक्त करणे योग्य नाही, असं ही ते म्हणाले
– देव मंदिरात नाही, आपल्यासोबत आहे, डॉक्टर, नर्स, आरोग्यसेवक, पोलीस, सफाई कर्मचारी यांच्यात देव आहे. चित्रपटात देव मदत करतो पण त्याप्रकारे आता खरचं या रुपाने देव मदत करत आहे
– हिंदू, मुस्लीम, ख्रिस्ती सर्वधर्मीय बांधवांनी आपापले सण-उत्सव पुढे ढकलले, राष्ट्रसेवेला प्राधान्य दिलं, मानवताधर्म निवडला, यासाठी मुख्यमंत्र्यांनी सर्वांचे आभार मानले (Uddhav Thackeray On Corona)
संबंधित बातम्या :
परराज्यातील मजुरांना नक्की घरी पाठवू, पण ट्रेन सुरु करणार नाही : मुख्यमंत्री
‘या’ आवाहनाबद्दल उद्धव ठाकरेंनी नितीन गडकरींचे जाहीर आभार मानले!
मला देशातील प्रत्येक नागरिकाचा अभिमान, कोरोनाच्या लढाईचे नेतृत्व प्रत्येकाकडे : पंतप्रधान मोदी
