Weather Alert: मुंबई आणि कोकणात पुढील चार दिवस मुसळधार पावसाचा अंदाज; हवामान खात्याचा रेड अलर्ट
बंगालच्या उपसागरात कमी दाबच्या पट्टा तयार झाल्यामुळे पश्चिम किनारपट्टीवर त्याचा परिणाम पाहायला मिळेल. त्यामुळे येत्या चार ते पाच दिवसांत किनारपट्टीलगत असणाऱ्या भागांमध्ये जोरदार पाऊस पडेल. | Mumbai Rain
मुंबई: जून महिन्याच्या पहिल्याच आठवड्यापासून मुंबईत जोरदार बॅटिंग करत असलेल्या पावसाचा जोर आणखी वाढण्याची शक्यता आहे. येत्या चार ते पाच दिवसांत मुंबई आणि कोकण परिसरात आणखी मुसळधार पाऊस (Rain) पडेल, असा इशारा हवामान खात्याने दिला आहे. या दोन्ही परिसरात हवामान खात्याने रेड अलर्ट जारी केला आहे. (Heavy Rain expected in Mumbai and Konkan region for next 3 to 4 Days)
मुंबई हवामान विभागाचे उपसंचालक के.एस. होसाळीकर यांनी दिलेल्या माहितीनुसार, बंगालच्या उपसागरात कमी दाबच्या पट्टा तयार झाल्यामुळे पश्चिम किनारपट्टीवर त्याचा परिणाम पाहायला मिळेल. त्यामुळे येत्या चार ते पाच दिवसांत किनारपट्टीलगत असणाऱ्या भागांमध्ये जोरदार पाऊस पडेल. त्यादृष्टीने मुंबई, ठाणे, रायगड, सिंधुदुर्ग आणि रत्नागिरीत रेड अलर्ट घोषित करण्यात आला आहे.
IMD GFS guidance Sat,Sun looks more vulnerable for S Konkan& parts of Vidarbha,adjoining areas. NCMRWF Regional Model guidance also shows same for RF nxt 24hrs Mumbai Thane Raigad…can not be ruled out for vry hvy spells.Ghat areas too could get hvy to vry hvy RF Please see IMD pic.twitter.com/vfrJoJeRPt
— K S Hosalikar (@Hosalikar_KS) June 12, 2021
मुंबई आणि उपनगरात शनिवारी सकाळपासूनच पावसाचा जोर पाहायला मिळत आहे. पावसाच्या सरी थोड्याथोड्या अंतराने पडत असल्या तरी त्यांचा जोर जास्त आहे. याशिवाय, विजांचा कडकडाटही पाहायला मिळत आहे. अनेक सखल भागांमध्ये पाणी साचले आहे. त्यामुळे पाऊस सुरुच राहिल्यास मुंबईतील जनजीवन पुन्हा विस्कळीत होण्याची शक्यता आहे.
Mumbai’s Eastern Suburbs received 89.30 mm rainfall, Eastern Suburbs witnessed 92.38 mm rain, and Mumbai city 79.66 mm rain during last 24 hours: IMD, Mumbai pic.twitter.com/1szuE106Tc
— ANI (@ANI) June 12, 2021
हवामान खात्याने यापूर्वीच येत्या काही तासांत मुंबई आणि रायगडमधील पावसाचा जोर वाढण्याची शक्यता वर्तविली आहे. येत्या काही तासांमध्ये याठिकाणी मुसळधार ते अतिमुसळधार स्वरुपाचा पाऊस (Rain) बरसण्याची शक्यता आहे. तसेच पश्चिम महाराष्ट्रातही पावसाचा जोर वाढण्याची शक्यता आहे. पुणे, सातारा आणि कोल्हापूर या परिसरात शनिवारी मुसळधार पाऊस पडेल, असा अंदाज आहे. त्यामुळे लोकांनी विनाकारण घराबाहेर पडू नये, असे आवाहन प्रशासनाकडून करण्यात आले आहे.
संबंधित बातम्या:
दाणादाण! मुंबई, नवी मुंबई, ठाण्यात पावसाची जोरदार बॅटिंग; सखल भागात पाणी भरले, रस्तेही पाण्याखाली!
मुंबईसह उपनगरात 2 दिवस अतिवृष्टीचा इशारा, बीएमसीकडून ‘या’ उपाययोजना
(Heavy Rain expected in Mumbai and Konkan region for next 3 to 4 Days)
